20120606 - •●❤倫敦遊(3) 溫莎堡❤●•

6月6 日星期三。

酒店出面的景觀。

 天色麻麻，有太陽亦有烏雲，日日都驟晴驟雨。

 酒店包早餐，BUFFET~嚟到英國，當然要整一個自家制的ALL DAY BREAKFAST~

 今日係去溫莎堡。Windsor Castle，倫敦郊區，要轉火車，其中我哋underground 都要在Embankment轉車。~
我哋去Waterloo站坐火車去。火車站都幾大。

 有嘢食賣，英國除了fish & chips 之外，pastry都是應該最common的食物。

 幾蚊個，即是三四十蚊港紙，唔平，不過幾好食。
熱辣辣，皮好食，肉汁都夠多同新鮮。

 又食吓坐吓，到了Windsor & Eton River Station~

 一出就好近，跟住啲人行就到。先經過呢排屋係一個小鎮。

 天陰陰又微微雨。

 排隊入場，排咗三幾個字。
好靚，好舒服。

 Windsor Castle 目前是英國皇室溫莎皇朝的家族城堡，也是現今世界上有人居住的城堡中最大的一個。
溫莎城堡的歷史可以回溯到威廉一世時期，城堡的地板面積大約有45,000平方公尺（484,000平方英尺)。與London的白金漢宮、愛丁堡的Holyrood Palace一樣，溫莎城堡也是英國君主主要的行政官邸。現任的英國女皇伊莉沙伯二世每年有相當多的時間在溫莎城堡度過，在這裏進行國家或是私人的娛樂活動。她的另外兩棟宅邸則是皇室的私人住宅，分別是Sandringham House及Balmoral Castle。
有許多英國的國王與王后對城堡的建造與擴展有直接的影響，是他們的要塞、住所與行政官邸，有時甚至是監獄。城堡的歷史也和英國的君主體制有相當密切的關連，跟隨着溫莎城堡的歷史可以追溯到當時統治的英國君主。在和平時期時，溫莎城堡會擴建許多巨大且華麗的房間；在戰爭時期，城堡則會加強防衞，這個模式直到現在仍然不變。

 話哂都有皇室人員住，都會有個花園，所以都有啲花。行行吓開始落雨。

 再入去裡面就欄住，唔俾入。
只能在外面影相。

 再行吓行吓又見到啲士兵喺度經過又影吓，

之後見到有雪糕，就買杯試吓，都幾OK，由於朝早食早餐時，拎定啲麵包，所以就坐喺啲長櫈度食包包。食完嘢，HEA坐一陣就走人。

 又忽然幾好天。

 溫莎鎮感覺就的確有英國舊式小鎮情懷， 呢度既建築，好似睇緊十九世紀以英國作背景電視/電影既場境。

 環境幾好。

 忽然見到個著住英式貴族服飾的女子在附近行。
影張相先，有啲似拍緊戲。

 行完個鎮就走啦。

 又坐番火車走。

20120605 - •●❤倫敦遊(2) 午餐晚餐❤●•

6月5日星期二

由白金漢宮行番酒店，大約三個地鐵站，
英國的地鐵叫underground~

差不多到酒店，其實都仲有一個街口，大約當地時間一點左右啦。
見到有間法式麵包餅店叫Paul，啲cake 好似幾正，
其實英國好多法式麵包店，始終可能因為大家都係歐洲地方，文化食品都互相傳播同影響吧。

 嚟緊的日子，成日見到啲西餅，法國麵包店，意式pizza等。
一點鐘，冇咩人，可能因為假期，天氣頗涼，大約十五六度，不過室內有暖氣，超熱的。

同熊食麵包，飲coffee，算是到了英國的第一餐。

個包都唔錯，

 仲點了個TART，同pear pie，英國食嘢好貴，動輒都兩鎊或三鎊，即是起碼都廿幾三十幾蚊件餅。一啲都唔平，幸好，份量不算太細。
由於我們一到埗就喺機場用20鎊買了張咭for iPad，所以在coffee shop都可以online，上fb，search 一下資料，在coffee shop hea 是因為想等到夠時間去酒店check in。

 兩點幾三點終於可以上到房，兩個個鼻都唔妥啦，可能又因為長途機辛苦啦。所以瞓晏覺囉。
一瞓醒已經成八點半，本來想去食fish & chips，不過去地鐵站睇睇去zone2 要幾錢.....要4.3鎊一個人，只係車鐵都要百幾蚊啦，嚇親，於是就去今朝經過的S.Kensington附近食嘢，有幾間食店。

我地去咗South Kensington A Casa Mia，西班牙菜。

 薯仔。

 燒豬，有少少雪味，不過外脆內軟，好味。

 叫了西班牙腸chorizo，配麵包的。
似餅乾脆脆的麵包。

 chorizo其實有啲似臘腸。 XD

 我飲少少酒，啲酒好易入口。

好好味的一餐，好正。

20120605 - •●❤倫敦遊(1) 到埗+白金漢宮❤●•

6月5日星期二，

坐凌晨機去英國啦。

坐CX0035班機，宜家CX啲長途機張椅冇得較向後，十幾個鐘都唔可以瞓直。

痴線架，以後坐長途機要避免坐CX啦。

 飛機餐都是例牌難食。

 到埗係早上七點左右，坐underground 去我地間酒店- Holiday Inn - Gloucester Road~擺低行李先。

 去到酒店個站都係八點左右，當日冇人好靜，好似星期日咁，因為當日係英女皇登基六十周年的假期。

 太早，未可以check in，只好周圍行吓。成條街好少人。
好似星期日早上咁冇人。

 見到英式舊建築物，好興奮，好開心，天陰陰天氣都幾凍，大約十五度左右吧。

 見到有麵包餅店，好多都未開門。
不過見靚靚都影吓。

 大英國旗。

 呢間可以食high tea，原本想去試最後都冇試到。

 見到好多餅店就開心啦。

 有隻熊仔又cute cute~

 我地冇坐underground，一直走，因為一邊行一邊欣賞四周圍好正。

 行行吓經過埋harrods~當然未開門啦，咁早。

 見到架london calling 的士，nice nice~

 係咁行，唔知經過咩地方。好多條街。

 其實我地係想去白金漢宮。

當日係重要慶典，好多平日可以入去的入口都封哂，唯人跟住人群係咁行。
見到巴士，呢架係銀色呢。

 白金漢宮（Buckingham Palace）是英國君主位於倫敦的主要寢宮及辦公處。[1] 宮殿坐落在西敏市，是國家慶典和王室歡迎禮舉行場地之一，也是一處重要的旅遊景點。歷史上每逢英國歡慶或是危機時刻，這兒也是英國一處重要的集會場所。
呢度係後門，有啲英國士兵喺度操。應該是換班，由於係後門都唔係太多人。

 影吓啦，熊覺得佢地操得hea hea~

 之後跟住人群係咁走，終於入到去裡面，好多人喺度等睇英女皇，我地去到的地方都唔多近啦，唔知英女皇幾時會到，又唔知個位睇唔睇到。另一個問題我喺飛機瞓得唔多好之外啲風太乾，鼻敏感發作，好難捱，其實氣氛幾好，好熱鬧架，但我哋都唔等LU~走人。

 走的時候經過Picadilly Circus，有印象以前到英國時有喺度影過張到此一遊照，不過唔同嘅係，今次因為英女皇登基60年而四圍都有好多國旗，靚靚。

店舖開始好多都開門，又由呢度行返去，都有幾個地鐵站咁遠架。

20120603 - •●❤期待❤●•

同熊第一次出門，

6月5日至6月13日
足足9日咁多。

目的地英國倫敦。
6月4日晚上就要去機場啦，因為坐6月5日00:35班機呀。
6月4日唔會請假，放工食完飯洗頭就出發。

準備好個行李牌先。

第一次去歐洲係自遊行，次次都係跟團走馬看花，所以..............

期待中。

20120602 - ♪♬♩♫ 蓮香樓♪♬♩♫

六月二日星期六

要返工，熊接放工

熊想飲茶，佢提議去蓮香樓，我未去過蓮香樓飲茶喎。
媽媽話好污糟喎。都唔係呀。其實似舊式酒樓。
要自己搵位，搵位之嘛，包在熊身上。迫到埋位坐就得架啦。

特別在可以用茶杯裝茶葉。

 

 特別菜色之一豬肚燒賣。
OK

 呢個好似係綿花雞。

 用茶杯倒茶要一定手力同技巧，呢啲粗重功夫，留俾熊做。

 一堆點心車出嚟，好多人圍住搶拎點心，好彩熊都拎到唔少點心。
傳統酒樓比較多包點，可以食得飽人。

 糯米卷都唔錯。

 

春蛋燒賣夠懷舊。

 呢個唔記得叫咩餃。

 呢個係魚翅餃，不過所有餃燒賣都係嗰舊肉。
只係上高可能係春蛋，豬肚或豬膶，個皮可能唔同色咁。

好多遊客嚟食架，有韓國遊客，又有台灣遊客。
聽熊講話佢十幾年前喺中環返工都成日來飲茶，啲伙記都冇變呢。