喺THE ONE食完吉豬就行一陣，見到好多M&M Halloween 造型，好得意，即刻用手機影幾張先。
排排企。
紅色豆豆扮魔鬼。
橙色的拎魔鬼叉及大蒜，綠色靚女則扮巫婆
藍色呢個似戴咗皇冠。
呢個就咩都冇扮。
再嚟啲CLOSE UP 單人照。
呢位人兄扮木乃伊。
呢個冇魔鬼袍。
超可愛吧。
2011年10月11日 星期二
2011年10月10日 星期一
✿｡◕‿◕｡✿ 吉列豬@丼吉日本吉列專門店餐廳
十月七日同同事去食吉列豬扒，呢間好出名，WTC勁多人的，TST彩星中心都多人，不過好彩THE ONE呢間唔多人，
可能因為THE ONE極之唔好行，我真係唔多鍾意行THE ONE，太窄，每層得好少店舖，要成日行扶手電梯。
我哋7點前去到，唔駛等位。
最後order了一個吉列豬拼生蠔，吉列豬柳拼大蝦，另加一個吉列豬，一共三個set，仲有沙律。
菜就任添。
2011年10月9日 星期日
♪♬♩♫ 小食...♪♬♩♫
好耐冇食過日式芝士蛋糕，仲有冇人記得佢？
曾經有一間叫伊藤家專賣呢隻日式芝士蛋糕，我好鍾意食，
熱潮過咗之後想搵有呢隻賣嘅都唔多了。
間中食好正...我係用嚟做早餐的。
呢個係朱古力布甸，係PIZZA HUT 到會。哥哥結婚當日嚟男家之後，一眾人家食PIZZA 外賣，食剩的。都OK好食。
好耐冇食過好好味。
2011年10月5日 星期三
●✿10月份靚靚指甲-- Halloween•✿●•
九月份冇整指甲，因為八月尾整完，原本應該九月尾整，點知整開指甲的妹妹佢大肚，暫時停工，介紹了佢個partner，不過佢個partner因為九月底放假，搞到十月先有時間整。
超想整halloween，上年就係因為同事整了halloween指甲吸引咗我的目光，之後就xams整雪人，好想又要南瓜又要小鬼。
同整指甲小姐溝通了之後，唔想整太多3D花，又唔想太多橙色太激，因為啲人成日覺得我個款係斯文類型，唔會整得太激，於是就整閃底加紫色。
呢位指甲小姐整啲款係比較激同埋更加有心機。南瓜同小鬼眼珠都有啲白色，好似漫畫中的精靈眼咁....結果整了三粒鐘呀。
不過好特別都OK。反正第二天是重陽節假期，夜少少返家都可以。
2011年10月3日 星期一
╭。☆松家+Mimosa Patisserie☆。╮
10月1日老闆生日，大家見上次松家幾好食，所以encore，
今次食三文魚炒飯。份量不多呀。
吞拿魚+三文魚...OK
鰻魚，好細。 >.<
沒有飲品又冇折扣了，冇咁抵。
之後老闆去天后拎了啲餅回來。是好出名的mimosa，出名係拿破崙。
芒果味好鮮，酥皮好脆，呢間好出名，除了出名好食之外，老闆娘亦出名好寸。
同事去完澳門的小小手信。過大海其實好普通，唔駛手信。
2011年10月2日 星期日
ヾ(◍'౪`◍)ﾉﾞCova Cake
好耐之前食過Cova cake 麻麻地，不過聽聞係因為唔識揀先中伏。
所以有一日食完lunch又想試吓，點知最後買咗杯咖啡，但係想食始終想食。
而且宜家cova啲cake算是便宜。$32-34一件，compare文華$37同埋老佛爺$40，忽然變得抵食。
當日買了3件，左起: strawberry tart，中間mango cheese cake 及右邊tiramisu tart。
放在盒裡都小心翼翼。
聽聞cova的mango 好食，所以留番最後先食。
第一個食strawberry tart， 士多啤梨頗酸，而且custard唔算十分好食，tart亦好普通，麻麻地，老佛爺的custard香好多。
tiramisu tart，原本想買tiramisu 杯的，不過當日冇，覺得tiramisu
同tart不太夾。
幸好tiramisu好香好滑又夠咖啡味。可以再encore。
最後亦是最好味的mango cheese cake， mango 唔酸，幾甜，cheese好滑同mango好夾好好食。
訂閱：
文章 (Atom)