❤ 4月10日Ocean Park 睇熊貓❤

4月10日公司請去Ocean Park，咁著數真係冇咩幾可。

仲包埋海龍王餐廳semi- buffet lunch，

坐629到正門，好曬呀。

坐氣球嗎？要等起碼一粒鐘，咪搞。

lunch係公司包場，分幾場食，我食12:30 - 1:30，當日11:25入到Park，先睇咗熊貓先。

安安佳佳在大熊貓園。

佳佳叫做好生猛。

你睇安安，懶得佢...唉。

 少不免看熊貓精品

盈盈樂樂則在亞洲動物天地嗰邊。

大熊貓之旅。

又係得一個未可以形容佢哋...懶。

喺熊貓行出嚟嗰度有啲金魚，影吓先。

好可愛好大隻，

之後就去食lunch。

個lunch 係海龍王餐廳的semi buffet，semi buffet 即是頭盤同甜品都buffet，原本要250蚊一個。公司包場先free，但....好難食，咩都好難食，個賣點係一路睇大魚缸一路食。

其中一個main course- 春雞。要自己俾錢就唔好了。

♪♬♩♫ 四月份台北之旅(11)-購物篇♪♬♩♫

呢篇比較無聊，係講買嘢，

我基本上可以零購物，因為我係一個窮鬼，窮人少買嘢也，除公司手信是必要外，真係勁少會買嘢。

不過今次同媽咪去喎，佢好鍾意買嘢，多多少少買啲返嚟啦。

除了之前提過的布甸之外，仲買咗少少嘢。

呢個係查理布朗出品的綠茶紅豆卷。因為我同媽媽都係綠茶怪，見到綠茶食品一定唔放過。呢個喺新光三越買嘅。

試食之後的報告，綠茶味濃，紅豆比較硬身，Cream就唔及東海堂的北海道牛奶卷滑。之後再食番東海堂的發現查理布朗的綠茶味比東記濃好多。

其他都是手信為主。

行市林夜市時，見到好多一盒盒好我體的伴手禮都只是NT100，買了兩樣嘢俾公司同事食。水蜜桃凍，好正咁喎。

獨立包裝好得體，味道唔差，食到有桃肉的，雪凍後味道更佳。

咖啡米麻糬。

媽媽在亨利屋買了不少石頭貓石頭夠的產品。

 

 行李牌。

杯都買了兩隻。呢個款比較特別，有貓有狗，仲有豬。整個杯是一幅圖來的。

呢個就超多貓貓。

西門町買的短襪仔，NT100六對，抵到爛，好唔好著，襟唔襟就唔知了。

頭飾都買。因為又係平嘢。

在淡水老街又見到亨利屋，當日好大雨，又俾個Excuse入去行吓，以下的在分店買。

啤牌，只係睇，唔會玩啦。(真弱智)

杯墊一套四個，有兩款圖案，花多眼亂，唔知揀咩款，另外有個款是上海景色的，不過去台灣買上海嘢又好似怪怪地。

淡水老街仲買咗隻狗狗，番到屋企見佢一條友又覺得佢好孤獨 =_=。

♪♬♩♫ 四月份台北之旅(10)-查理布朗雞蛋布丁+回程♪♬♩♫

回程當日是16:20機，可惜只有一個行程。就是去找布甸...=__=

在酒店食了個好飽的早餐就hea 到10點半先出發。

之前day 1在市政府站的新光三越見到有專櫃，以為台北車站的新光三越會有啦。點知係冇嘅，台灣故事館又執咗，台北車站的新光三越好細，冇嘢睇。

咁就唯有去市政府站的新光三越啦。點知係冇，要兩點之後至有，佢叫我哋去總店在忠孝復興站附近買，仲幫我哋打電話去留幾盒，由於一心想買布甸做手信，其實都洗濕咗個頭啦，焗住又撲過去。搞吓搞吓都成十二點，邊度都唔洗去了。反酒店等12:45的飛狗巴士，

架車由花園酒店做頭站，兜到阿媽都唔認得。兜哂所有酒店旅館之後已經成粒鐘咁滯，之後先再轉車，安排過一架好嘅車(原本坐開的是一存公車)直去機場，奉勸大家如果有得4個人都係包車好了，大約NT800 - 1,000 depends 當日是不是假期。不用浪費時間。

去到機場先食嘢，完全唔得。 NT 230 排骨拉麵，麵唔得，唔爽又腍，排骨又係腍。

十個囧

珍珠奶茶冇茶味。

至於點解要搵布甸搵得咁辛苦，那是因為旅遊書介紹近來好興的拌手禮。

查理布朗烘培屋的查理布朗雞蛋布丁，不是Charles Brown 而是Chirle Brown ，今期是2010台北花博紀念版。

一打開蓋 ... 有張好 cutie 的成份及製造說書，雞蛋殼是經高溫消毒殺菌，再將蛋漿注入，烘焙而成。

一盒9個， 造型十分可愛，外形同雞蛋一樣,，吃查理布朗的布丁實在是吃它用蛋殼盛著的gimmick， 賣相真是好得吧。Actually 味道都好ok，好幼滑也好Creamy，味道頗香濃。，是很出名的而且也很用心製作。可惜份量太少，一顆雞蛋大約只需三至四口就可以吃完唷。

NT198 共9個一盒，係蛋殼來的。可以hand carry 上飛機，放在行李格上都冇問題，回港之後如果放雪櫃可存放5日。

ヾ(◍'౪`◍)ﾉﾞSaturday Lunch@Pizza Hut

四月九日星期六，

去完台北之後係咁病，因為在淡水當日凍親，回程時已經病到死死吓了，回到公司仍要死撐，日日八九點先放工，終於捱到星期六是放假的時間，hea 抖吓先，遲起身食LUNCH好了。

十一點半都冇咩人咁早。但對未食早餐嚟講都好肚餓啦。原本想去食元氣壽司做敢死隊，不過最後有人退縮，都係怕咁輻射魚生。

叫了兩個LUNCH SET，餐湯。好濃，可能太早未溝水。

好好食的蒜蓉包。

SET 可以加9蚊有兩隻雞翼，好好食。

SET LUNCH 是一個MINI 批，千島海鮮芝心批。

西班牙炒飯，之前未食過的，幾好食，我覺得抵食過Delifance，因為份量多好多。

啱我呢個大胃王。

加8元要了一杯cappuccino，好一般，不過好過飲其他無謂嘢。

埋單約160元，以宜家百物騰貴的情況來說，算ok了。

之後又去東記買綠茶紅豆卷。成日有好嘢食，感覺真幸福。