沿櫻花道行番出去黃金博物園區出口也是一個公車站，可以等公車落番九份，當日是星期日，又是清明前後，好多人，據聞宜家台灣人因為日本地震之後少咗人去日本，好多人都留喺國內，又遇上假期，好多人都會去九份/郊外玩。成個九份金瓜石地區好多私家車，啲山路又窄又彎，公車幾經辛苦先落到九份。天氣也逐漸轉差，天陰陰的，起初仲有少少微雨。
九份位於台北瑞芳鎮，與基隆山遙遙相對。清末日治初期，曾經因為盛產金礦而興極一時，更因繁榮炫麗而留下「小香港」「小上海」之稱號。但最後也因金礦挖盡而變得蕭條。直至1989年因侯孝賢執導以九份為背景的電影「悲情城市」揚威海外，遊客爭相到九份觀光，才令這悲情城市再度興旺。今日的九份，已是台北最著名的旅遊景點，從早到晚都有一車接一車的旅客到訪，品嚐地道小吃，以及在充沛滿懷舊氣息的街道裡，找尋絲絲的悲情。
小小的紅燈籠大家只要到過九份該不會陌生吧。鐵皮屋和屋簷等簡 單的建築總散發著一種懷舊的風情。
沿著九份老街走，兩旁的店舖林立，主要是食肆及售賣手工藝品的， 每間店舖都有自己的獨特之處，有赤柱大街市集般的感覺
好多嘢食，但當天實在太多人了。插針都唔入，間間食店都好多人排長龍...原本想吃拳頭咁大粒魚丸都冇位食，最後亦冇食到。
最後是但揀一家店子食魯肉飯。
滷水豆腐。
合併魚丸米粉。
有隻叫紅鰻湯嘅嘢食，其實是紅色的炸鰻魚，唔多敢食。
後來吃了小食燒菇，台灣近來好興炸/烤啲雞脾菇，啲汁就是燒魷魚啲汁咁上下，都幾YUMMY。
最正都是呢隻紅心芭樂，即是紅心番石榴。好甜好多汁，好少地方食到啊。
銅鑼燒，即是pancake夾雪糕。
雖然後來沒雨，但真係太多人，冇咩心機行同搵食。影一影九份山景就算了。
其實九份點解叫九份呢？據說是因為早期移民來的人家，一共九戶，而外地商家偶而需要送貨來時總要分包成九份，久而久之，村名也就約定俗成而來。
最開心就係睇咗石頭狗@亨利屋，好喜歡貓貓狗狗的造型。
九份的亨利屋其實大有來頭，是由藝術家李鴻祥 Henry
親自設計的石頭貓創作店。曾任迪士尼卡通片「小魚仙」、「阿拉丁」等美術指導的他，透過他從德國學習的技術，把原本普遍的一塊石頭加上彩繪，成為一件又一件獨特貓咪圖案的精心手工大集合。其中對於眼睛的彩繪，是經過
7、8 層工序才能達至琉璃般晶透的效果，是他的心血結晶。他於2003年在九份創立「亨利屋」，並將石頭貓品牌
化，推出不少石頭貓飾品，除了石頭貓令人迷戀之外，又設計石頭狗，滿足狗迷需要。
呢個袋可以for
OL帶飯用，好多產品都勁靚睇到嘩嘩聲，呢度亦係我喺九份逗留最耐的地方。XD
