✿｡◕‿◕｡✿樹懶的日記✿｡◕‿◕｡✿

2011年2月22日星期二

ヾ(◍'౪`◍)ﾉﾞ耳環Show

好鍾意好鍾意耳環，但唔可以戴啲好平的耳環....
有啲貴耳環又係去旅行時整唔見，因為用大機，相機帶掛頸除嚟除去，勾的耳環成日因為咁跌咗。

之後去旅行就戴有托的耳環，唔再跌，但就爛，連接個勾位的位置斷...好肉痛，
如果買18k，宜家起碼千幾蚊對。但可以連續戴星期都不會敏感，
比較好少少的韓國耳環百零蚊對，可以戴2-3日，10蚊20蚊對的，戴一日就要換番啲好啲耳環。
耳環呢家嘢始終都是一分錢一分貨。
忽然好想影吓啲耳環....
呢度係其中部分，好似有啲唔見咗。 >_<

呢對新架。

左邊的當時在ma belle只買一隻...好後悔點解唔買一對，

右邊貓貓在2007年去台北時唔見二一隻...好心痛，係韓國耳環，唔敏感算幾好戴。

都係韓國耳環，百零蚊....但比較重。

呢對好閃...幾好戴。

好靚，但只可以戴一日就要換。

新嘢...切割的手工令到好似好閃。

西班牙買架...馬賽克...

阿媽俾的，唔知出處。

幾好戴，唔算貴。百多元，可以連戴3日都得。

for halloween

宜家除了大圈之外，呢對算最LIKE...點精品...貴嘢。

都係貴嘢，但戴幾耐都唔會有問題囉。

貴嘢。成支穿過去就得，好長身。我好鍾意。

宜家去旅行多數戴呢對，實淨唔會甩，都算好戴，戴4-5日之後先會唔妥。

長身，不過易敏感。

marks spencer...比較重身。但紫色我好喜歡。

都是for halloween 的。

平嘢，幾得意，只可以戴一日。

Ma belle，當時一隻一隻咁買。

2011年2月18日星期五

♡❤二月十三日迪迪尼❤♡

今年迪迪尼因為五周年慶祝大哂。

農曆新年冇人理

原來二月十三日係最後一有CNY的迪士尼朋友出現。

官方網頁話有新衫，不過除了Minnie 之外，其他好似差不多。

但因為怕執輸所以照入park 影相

當日出門口之後開始大下雨，冇諗過越落越大，全日都好大雨，真係未試過，一落雨實在太凍了，原本想等難得一見的雨天巡遊最後都冇等到。太大雨，好掃興，

minnie 明顯係新衫。

落大雨，迪士尼朋友出入都要擔遮。

美妮擔遮。好少見吧，比較特別。

米奇同你恭喜發財。

高飛的財神look好似同之前差不多。

Pluto又係差不多。只是accessories 不同。

有tiger，可惜當日問過是不會有Donald and Daisy 的CNY look...失望。

入shop 逛了一會，呢個公仔係新嘅？幾cute。

因為兔年，點都要有隻兔應下節。

2011年2月17日星期四

〒▽〒寒冷的一月份

記得2008年的一月份好冷，又雨又冷，濕凍凍了半個月，今年的一月份都好冷，

估唔到係1977年以來最冷的一月份，冇一日過20度....

日日都要開暖爐啊。

二零一一年一月天氣回顧(FROM 天文台)

受頻密的冬季季候風補充影響，二零一一年首月平均氣溫為13.7度，較正常低2.4度，是自一九七七年以來最寒冷的一月份。本月有14天出現寒冷天氣（最低氣溫在12度或以下），是正常數值七天的兩倍。最高氣溫方面，本月沒有一天高於20度，以一月份來說，記錄上只有一九一八年出現過一次同樣情況。本月較少雨，只共錄得5.4毫米雨量，是正常數值的百分之22左右。

受一股乾燥東北季候風影響，本月首天天晴乾燥。一股強風程度的偏東氣流於一月二日影響廣東沿岸地區，並為本港帶來風勢頗大及多雲的天氣，隨後三天持續多雲及有幾陣微雨。受一股強烈冬季季候風影響，本港自一月六日開始天氣持續寒冷，這股寒潮一直維持至一月十三日。一月六日及七日本港有幾陣微雨。受一股乾燥偏北氣流影響，一月八日至十日轉為天晴乾燥，早上天氣仍然寒冷。中國東南部一道廣闊雲帶於一月十一日至十三日為本港帶來幾陣雨。一月十二日早上天文台的氣溫降至7.2度，是本月的最低氣溫。

隨著冬季季候風緩和及日間陽光充沛，本港於一月十四日天氣轉為和暖。天文台當日的氣溫上升至19.4度，是本月的最高氣溫。隨著另一股冬季季候風的補充於翌日抵達華南沿岸，本港當日天氣寒冷及風勢頗大。一月十六日及十七日持續寒冷及乾燥。

一月十八日及十九日本港大致天晴，一月二十日轉為多雲及有煙霞。隨著一股冬季季候風的補充抵達，本港於翌日天晴乾燥，早上天氣再度寒冷。一月二十二日至二十八日持續普遍天晴及有煙霞。另一股冬季季候風的補充於一月二十八日稍後抵達華南沿岸，並於本月最後三天為本港帶來寒冷及乾燥的天氣。

詳盡的天氣回顧:http://www.hko.gov.hk/wxinfo/pastwx/mws201101c.htm

2011年2月16日星期三

◇◆秘密花園◆◇

近來煲緊「秘密花園」，「秘密花園」講述的是一段往返于遊戲和現實之間的愛情，故事在遊戲世界和現實世界互相穿越，而玄彬、河智苑飾演的一對情侶由於意外互換靈魂而引發了一個浪漫蝕骨的愛情故事。該劇講述逢見面必吵架的冤家金周元(玄彬飾)和吉羅琳(河智苑飾)，金周元是挑剔的老闆，而吉羅琳則一直夢想成為出色的動作演員，二人在一次意外中交換了靈魂，用對方身體面對完全不一樣的人生，在無法擺脫對方的同時漸漸萌生愛情。
頭幾集覺得個故仔好牽強，好難明白點解咁有錢的金周元會喜歡吉羅林，同埋互換身體時都覺得太過冇可能，好似太搞笑，頭十集我唔係太鍾意睇，但到十集附近，主角互生情愫之餘，背後其實有一個動人的故事，好感動，好Touching，雖然故事未必可以在現實發生，但男女主角背後所涉及的千絲萬縷，又真是教人感動。

玄　彬飾演：金周元，人人都話玄彬靚仔，我覺得佢太瘦，瘦到臉頰都削哂。當然，佢又真係好靚仔，演出都好好，互換身體的那幾集，男兒身娘娘腔...好好笑，好明顯見到男女主角的功力。

河智苑飾演：吉羅琳，好欣賞佢，河智苑長頭髮時好靚，呢套戲因為做女替身，比較男仔頭，配上一頭短髮，沒有一般韓妹的長眼睫毛，濃妝，但依然靚，係越睇越靚，在X'mas party那一集其實佢真係好靚，

尹尚賢飾演：奧斯卡，初初唔喜歡佢同金莎朗呢一條副線，覺得佢好無聊，只有搞笑，唔明佢同玄彬點解成日鬧，但睇到中後段就會發現奧斯卡好可愛。
未睇嘅快啲睇啦。

韓國 SBS 電視台官方網站：http://tv.sbs.co.kr/secretgarden/

2011年2月15日星期二

█▇▆▅▄▃▂星期六▂▃▄▅▆▇█

星期五ot到9點幾，想再晏啲都頂唔到，因為跌親痛，條腰的舊患又痛，賤命人唔想企一粒鐘，行去金鐘坐好耐好耐的巴士返屋企..經過Mrs. Fields ，原來9:30後就曲奇買3送3，Muffin同呢隻cake 都買一送一，買咗呢隻唔知咩cake，佢話有cheese 的，不過唔覺，呢個係合桃香蕉，宜家21蚊兩個算抵食，星期六十二點起身，只剩下呢個。

原本係咁，呢個係double chocolate。

姪仔靚仔在家，同佢玩一陣去麥記食lunch，
20蚊中杯裝咖啡加十元有個法包，
鬼地方是沒有星巴克的，只可以飲麥記的頂檔，
個包都可以，粟米洋蔥雞，都幾抵食。

蕃茄雞蛋因為有厚厚的cheese 太濃烈了，麻麻地。

coffee 好一般。

買了支香水版...pink princesse

諗起檢察官公主的歌...GOODBYE MY PRINCESSE..我dl了，日日都聽緊...中毒了。

宜家煲緊秘密花園。

2011年2月14日星期一

卍La Petite Fontaine@黑色星期五卍　

二月十一日星期五
對我嚟講係黑色星期五，因為在hsbc門外的馬路仆街，連個唉瘋都跌在地上，連埋上年十月在馬鐵的扶手電梯上仆，仆了三次，馬鐵嗰次就慘囉扶手電梯的一支支唔係惹少，穿了厚厚的牛仔褲才不用見紅，不過都瘀了三星期。
十一月在蘭桂芳的斜坡上，仆一仆，同事扯番起身，絲襪好厚，只係瘀了少少，
今次都唔惹少，左右膝蓋都瘀哂，右手近手腕位置都痛
新年流流初十都未過就咁，原本心情已經差宜家更加灰
灰灰灰灰呀。

本來平日每個星期五都在怡和大廈的Starbucks食嘢，當日朋友遲咗少少去(佢平日12:50就去到)見到拐一拐的我，就扶我慢慢行，去到竟然冇位，食咗半年都未試過咁，真係黑到冇朋友，
由於行動不便就去樓下的La Petite Fontaine食意粉....逐碟整。等咗4個字到點半先有得食，唔怪之得冇咩人食啦，唔明點生存到，78蚊冇嘢飲，又等得耐，好趕客，意粉OK，但next time就no way 了。