❃❃X'mas Disneyland❃❃

又去迪士尼．．．又勁影公仔，不過唔知點解好多人，排隊排餐死，今次影Pooh之餘又影埋Tiger，

當然唔少得Mickey Mouse and Minnie，不過當日好多人所有影相都要排長龍

lunch 又係去corner cafe，又係食呢ｄ，因為幾好食，不過下次應該轉吓口味

園裡有好多聖誕佈置，有聖誕花．．．

連個汽球都靚靚，

當然唔少得迪迪尼人物的聖誕裝束，可惜見唔到Donald，只有Daisy斯人獨憔悴

原本見到高飛，可惜到排隊影相時，返咗入去，得番Pluto

仲有好多相，不過一篇網誌只可ｓｈｏｗ廿張相，所以冇辦法，

另有其他相喺Facebook．．．

❃❃Merry X'mas❃❃

終於到聖誕節，前一輪憑渣打卡簽滿某個價錢就可以換咕０臣，好靚嘅迪迪尼城堡圖案，我換咗兩個，可以過年用

前幾日生果日報送咗ＤＩＹ３Ｄ聖誕樹，我考完試得閒可以做可啲手作仔，都幾靚！

就快要出去，在此祝大家聖誕快樂！ 得閒先探大家!

(◍•ᴗ•◍)繼續玩

就快考試，(下星期五，十四號)，不過完全未有溫書的打算，星期日去海港城，每年海港城的聖誕燈飾都好漂亮，今年都不例外，不過我影得好肉酸．．．．

由於效果未如理想，所以四圍走走，去了星光大道，我其實第一次去星光大道，所以扮自由人拍照

最尾又返回海港城，無聊地連聖誕樹的裝飾都影一餐　>_<

留意，有我隻手 >_<

█▇▆▅▄▃▂星期六▂▃▄▅▆▇█

星期六又唔溫書，又出街，今次去沙田，因為好耐冇行沙田，不過聖誕佈置竟然未整好，只有西田嗰邊有少少聖誕布置，不過我覺得九唔搭八呢

之後去食晚飯，好耐冇影過食物，不過唔代表前一排冇去飲飲食食，只係冇咩心機影相，

呢個係麵包加餐湯，個湯超細，好似叫嘉柏天奴湯

蕎麥冷麵，平日我唔係好喜歡食冷麵，因為唔太鍾意食凍嘢，不過呢個冷麵超級好食，啲麵質好好食，好爽，仲有好多墨魚粒都好好食；

有薄餅，係咩黑松露薄餅，黑咩松露吖，我覺得只係冬菇．．．不過都唔錯就算啦，不過價錢就．．．．

蕃茄炸雞扒，炸得好好食架，唔會食落去好多油嘅感覺，actually當然係好多油啦，不過唔覺囉，撈啲蕃茄汁，好好食！

甜品，係咖啡Mousse，好好味，可惜太細杯

最後係餐飲，奶茶，係我飲過茶餐廳以外最好嘅奶茶，

結果又好飽好飽，之後行咗一陣，又買嘢．．．

★☆lunch＠ 風月堂☆★

十一月廿八日(星期三)
好耐冇同vyvy食lunch，今之去風月堂食，一個餐只係六十幾蚊，好抵食，
有湯

有主菜，有好多選擇，最後揀咗鴨胸意粉，因為好想食鴨胸

風月堂啲奶茶好好飲，個杯好靚

最正係個甜品，我個係豆腐雪糕，我記得有綠茶雪糕架，不過唔知係咪因為ｓｅｔ冇得揀，所以我揀豆腐雪糕，因為我喜歡豆腐味！

最後食哂所有嘢，好飽，又肥幾磅啦！>_<
vyvy請，多謝哂，下次輪到我．．．．

╭∩╮_(︶︿︶)_╭∩╮又中

又中，不過唔係中獎，唔係中新股，因為我好黑，好嘢唔會有我份啦～
係又中陪審團選拔，兩年前即係２００５年年中中過一次之後，應該有兩年豁免期，結果期滿之後又即刻中

，一月十一日要去High Court，我記得以前有個同事話佢中過好多次 ，不過好多人一生人都唔中一次，我估唔到自己咁好彩 ，又中．．．

上次去到冇嘢做，睇咗條片之後，忽然話今日個取消，咁就賺咗一日假，今次唔知會唔會咁好彩，老實講都唔駛旨意會被揀中，因為成過百人揀九個，如果咁易中，我即刻破例去買六合彩（我平日唔買六合彩架）

 

近日公司好忙超忙，連午飯都邊食邊做，好叉多電話搵我，好想剪斷條電話線，日日講多過做，見到個電話都驚


，因為唔想OT，希望可以早ｄ走 ，可能開始要溫書啦～表面少咗功課，其實仲有好多嘢做，因為要睇人哋啲Presentation然後問問題，所以好唔得閒 ，好彩收到好消息，其中一份佔廿五分的功課攞Ｂ，呢科(Corporate Governance)應該穩陣啦～同埋LECTURER都話最辛苦其實係CyberU ，所以我奉勸各位唔好揀POLYCyber U ．．．

o(≧o≦)o廢話

頭先十二點先deadline，份功課好變態，要睇四份research paper二個 chapter，因為睇唔切，所以亂做同埋有三份一條好求其，不過我見好多人仲求其過我，是但啦～

英格蘭出局啦～俄羅斯輸咗，佢只要和都可以出線，仲主場之利，咁都唔掂，真係冇法，其實好事嚟架，因為只有球星冇隊形，夾硬擺兩個特一齊，勉強冇幸福囉，今次俾個教訓都好，可以好好反省，到時世界盃就ｏｋ啦！

反而替NOW可憐，買個歐國盃到時究竟有幾多人睇真係好大疑問．．．

❁ ❁煙花❁ ❁

十一月八日星期四

放工入迪迪尼，搵個朋友食飯 ，買咗年票，公司入去又方便，所以隨時都可以去，之前棵南瓜樹個位變成南瓜車，唔係太靚囉！

好少人呀，因為星期四，而且收八點呢！又冇巡遊，其實純粹係想睇煙花咋，雖然去過好多次迪迪尼，不過一次煙花都未睇過，原本當日朝早落雨，諗住睇唔成，所以冇帶腳架去影相，我部傻瓜機冇腳架係勁震，所以咪好似以下咁震哂，好肉酸，好核突呀！

七點鐘放煙花，八點鐘就閂門，所以睇完煙花即刻食嘢，仲好快俾人催last order呢！個餐有cheese cake，係焗果隻，好好食呀！下次會再叫cheese cake !

唔知係咪郊區空鄺，我又怕凍，都好凍吓！尤其睇完煙花之後更加少人，冷冷清清，不過涼涼地有啲聖誕feel， actually外牆有啲啲聖誕裝飾，所以好期待聖誕啦～十一月廿三號開始係聖誕迪迪尼，所以好快又會去，到時一定好靚呢～

•●❤澄清❤●•

請七日半病假唔係我，係我同事
暫時睇來大家都覺得無問題，不過我個人覺得好大問題，我第一兩年出社會工作都未試過請咁多假，因為如果真係好多嘢做，根本連病假都唔想請，有一啲approval right如果只有一個人有，我相信唔會咁輕易請假，我認為直情關乎責任感問題，我問大家意見雖然大家都覺得無問題，不過仍然改變唔到我個睇法，只係直接影響到我好唔好出聲勸告啫
我諗我唔會出聲，只會俾多啲嘢佢做，等佢連病假都冇時間請，我估好多人都會覺得我刻薄，所以千祈唔好做我下屬！