20130722 - •●❤梅窩遊❤●•

7月22日星期一

今日係熊生日，我請一日假同佢去玩，所以就去了塘福兩日一夜，呢一輪都成日落雨。

但係好神奇地呢兩日我哋有活動時都冇雨。
琴日模蜆時好好天。
到黃昏就有一場雨。
今日十二點就交房，我哋食埋琴晚個蛋糕做早餐。
好好天，有久違了的藍天。

 

 我哋想去梅窩行吓，睇吓見唔見到牛牛。
天氣好，咩都好。

 天空有飛機飛過的飛機痕。

 有三條咁多。

 睇唔到牛牛，就行去銀礦灣附近， 約行半小時左右，
不過當日有接近三十度，又曬，都好辛苦架。

 最後冇去銀礦洞，只去了銀礦瀑布。好多水，其實都值得一去，

 幾壯觀。有好多人不顧一切去游水。因為天氣太熱啦。

 附近仲有個亭，總之幾好View。

 原本行另一個方向係梅窩碼頭，但行到一半，覺得啲路好難行，於是折返沿路走好了。

其實當日有藍天，沿途景色真係幾好。

 

再經過銀礦灣，水退得好緊要，好乾，好多人喺度掘硯，呢道冇咩浪，好似易啲，不過要趕船走了。

 五點左右到，坐巴士去cwb行一陣，同熊影高達。

 熊最喜歡紅彗星，因為對眼做到識郁。

 之後忽然好大雨，好彩影咗兩張先倒水咁大雨。
去了pp等食飯。咩都影吓咁。