20130128 - •●❤山東餃子館❤●•

1月28日星期一

放工同熊食佢公司附近的山東餃子館，OPEN RICE話佢哋態度好差。
其實一般，唔郵算差，可能撞彩。
啲嘢好抵食。
而且唔錯。
醉雞，好似三十幾蚊。
而且味道唔差。

 香酥鴨，可以散叫或好似宜家咁跟餐有菜飯。
不過唔知點解啲菜飯有火腿，我想要淨係菜咋，多咗囉。

 但個香酥鴨唔錯，仲有幾舊青瓜。

 話明山東餃子館，點少得餃子呢？熊話呢啲餃子皮一定要即包先好食，如果包定會好難食。
今次點了西洋菜餃，好喜歡食餃子。

 呢間的千層蔥油餅好好食，好鬆化，強力推　因為都是即叫即整，所以要等三個字架。
仲叫了杯豆漿，埋單都是一百五十幾，真係好抵食。



20130127 - ♣♧龍鼓灘之行♧♣

1月27日星期日

好耐冇行山了。
因為大家都懶，好多時各自在家瞓到好晏。
今次終於的起心肝去行吓山。
入去龍鼓灘。
我第一次去咋。

一入去有個天后廟。
有棵大榕樹。

 有條山路行上去中華白海豚瞭望台。
沿途有啲植物都幾靚。

 熊話呢啲係豆。

 當日天氣麻麻，天好灰，有中華白海豚都睇唔到啦。

 上到去瞭望台景觀一般，見過咗瞭望台都仲有路行，於是又行吓。

 回頭望個瞭望台。

 個山好似俾火燒過，唔多草，我地用了在英國買的picnic mat 住喺度食嘢。
開始有太陽。

 hea 了一陣先落山，差不多日落了，冬天啲雲唔靚，但好彩個海金光閃閃。

 之後就食飯，蒸魚同埋菜。

 簡簡單單都唔錯。

其實仲煲湯飲，但冇影相。

20130126 - (= 0 =)y黑殺令



唔駛返工，一早起身同媽媽去金滿庭食午餐。

食完即刻趕去將軍澳。
因為有個朋友十二月頭生了BB，所以去探BB。約點九，個個都遲到，我馬鞍山最遠竟然最早，住市區的永遠最遲，
最勞氣啲人又唔覺得唔好意思，有個朋友都帶了九個月大的BB。但後來BB都唔多耐煩。於是五點就走了。

熊原本在觀塘玩幾首歌，點知玩玩吓冇得玩，唔知點解搞到六點先再開始。
海邊好大風，吹到鼻涕都流埋。
後來仲落雨，落雨熊就走人了。
之後去了油麻地睇戲。
之前食碗雲吞麵先，間嘢好好食。
麵好食，又有炸魚皮，SET有油菜或炸魚皮，都只是27元一個。
之後唔知去邊好，因為九點八至入場，但我哋食完都未夠九點，又落雨凍凍，於是就去百老匯隔離的CAFE hea 一陣　。
是書局來的，仲有得叉電。

 LATTE 不錯。

 木糠布甸都幾好食。

我們看的是Django

，原來《黑》是向1966年一部經典意式西部片《Django》致敬的作品，電影《Django》成功為冷酷有型的贊高在意式西部片中奠定了重要地位，他做的事看似是為著正義而行，但另一邊廂他卻是採用以其人之道還治其人之身的策略對付他所認為的壞人，贊高這個經典人物先後在三十一齣意式西部片中出現過。昆頓塔倫天奴今次找來實力影帝占美霍士，占美霍士從內至外也散發著牛仔味道，若不是他，真的想不到還有誰可以勝任贊高這個角色，加上多個型格的肢體動作和開槍神態，以及充滿黑色幽默的對白，一個威風澟澟、拯救和復仇之心堅定的牛仔形象非常具體。

《Django》當時評為最殘暴的電影，片中死亡人數過百人，上星期看了《格林雙俠：獵巫世紀》，同樣有血腥的場面，但只屬入門程度，再看《黑》，一比之下，簡直不可同日而語。昆頓塔倫天奴一向主張超現實的暴力主義，今次更特別以不同角度的開槍鏡頭說明贊高神準的槍法，目的是要向原作人物致敬。

《黑》除了視覺上展露西部情懷，所選的電影配樂亦充份反映西部那份豪情，而且歌曲的剪輯亦非常到位，在適當的時候，歌曲便會剛好跳出一句形容當時情景的歌詞，令觀眾更加投入。

20130125 - §屯市老夫子+抹茶館§



1月18日星期五
熊當日做嘢忙忙同唔開心。
希望快啲解決到啦。
放工等埋熊一起入屯市。
新年主題是老夫子。
正呀。
展出了本地漫畫家畫老夫子的作品，好值得欣賞。

 有啲似稻中兵團。 XD

 左邊是十三點，右邊呢個係小克版

 老夫子早期畫風線條比較簡單
冇後期的咁精細。

 有啲FIGURE 公仔展覽。

 有大公仔可供客人影相。呢個CUTE 版好得意呀。

 呢啲畫好復古呀。

 仲有少少新年裝飾。

 之後想去抹茶館食晚飯，但八點半九點都好多人。於是攞張飛兜個圈先再返去，期間聞到好香咖啡味，主打藍山咖啡，仲有CAKE 賣，呢間嘢新開的，原來係POKKA集團。搵日要試吓。

 原本想叫銅鑼燒，但賣哂。

 見到個MENU都留口水。

 因為想食甜品，只叫了一個飯SHARE食。
柚子生薑豚肉飯，個味好清新，略嫌酸咗啲，但啲豚肉好好味。

 跟埋個日式雜菜湯，唔同歐洲的雜菜湯，呢個係淡味的湯。

 冇銅鑼燒就點了綠茶提拉米穌。
好味的芝士好滑，但都幾細盒，跟埋個茉莉茶。

 飲品是熱的忌廉牛奶抹茶，好好味，呢間的抹茶好濃，似日本抹茶，熊都覺得好味呢。



20130124 - ◈◈熊大兔兔◈◈

1月24日星期四

上星期有個同事事先張揚會去日本，問我哋有咩想佢幫手買可以出聲。
嘻嘻，我老實不客氣咁話想要LINE的熊大同兔兔。
佢都唔太清楚係咩，只係COPY 咗啲相俾佢，
佢星期四回到公司，十點幾就拎咗佢哋俾我。
呵呵呵，好得意呢，無諗過佢真係幫到我買。
麻煩哂啦。
在日本時原裝未拆盒的樣子。

 回到香港時已拆盒。
好可愛，引起同事一陣哄動。

 我係兔兔，熊係熊大。
兔兔同熊大同間條熊相處好融洽。

但我仍然錫間條熊多啲。
兩個夾埋370元，同媽媽講同同事(女)講都話平。
但同熊/ 哥哥講佢哋就話貴。
男女大不同又一例子。