20140629 - (◍•ᴗ•◍)苦瓜炆䱽魚

2014年6月29日星期日

呢排無寫blog,因為忙於打line ranger 睇世界盃，真係太忙。

睇心世界盃搞到夜瞓，星期六日只會hea hea。

三點幾至搵熊，同熊去茶記食晏見到有個餸係苦瓜炆䱽魚。熊於是就試整。

仲滾左冬瓜粒湯，好飽。

20140628 - ◇◆世界盃7-11 Line 公仔◆◇

四年一度世界盃又來。

上次仲係玩大口仔。

今次大口仔被OUT。

取而代之是LINE

最可悲的是由OK變7仔。

 

7仔最無良的是換公仔是無得揀，只得抽。

 

 

平日好少去便利店消費，儲到幾個已經好好。

儲唔齊可以點？去旺角或其他地方一隻隻咁買，

我家super mom 去開荃灣見到有，幾十蚊隻都照買，好過食埋啲垃圾食物又抽唔到。

 

趁今日星期六得閒同佢哋影吓相。

20140627 - ╭❤╯第一個蛋糕╰❤╮

6月27日星期五

哥哥都放假，早啲同我慶祝生日，去我們一家人最愛的pokka cafe 食晚飯，啲野好食。但越來越貴。

當日食咗西班牙海鮮飯。幾多海鮮，雖然不是太正宗，但味道不錯。

呢個唔記得咩。

茫果魚柳。

最食完仲有東海堂的最新miffy 蛋糕，得個樣，味道就麻麻。但好開心，呢個係我第一個生日蛋糕。好多謝我的家人，好愛好愛佢哋。

20140625 - ╭。☆世界盃甲☆。╮

六月廿五日 星期三

我係球迷，最喜歡世界盃，英超就因為有感情。上次整指甲時，同美甲師傾開世界盃最好整國旗，

四年一度就玩下啦。

我整嘅時候世界盃已入十六強，好多強隊都出局，但都整到幾隻甲。色彩好鮮。正

20140623 - •●❀泰潮❀●•

6月23日星期一。

同熊人去開深水埗，通常會去泰潮食泰國嘢，泰潮已成為我倆去深水的飯堂。

多數必食海南雞飯，好過附近專食海南雞飯的店子。

送湯，個湯就一般。唔夠鮮味。

海南雞飯就正，雞夠滑，又唔會太肥，飯又有味。

另外叫多個冬蔭公湯粉，呢個都勁正。因為個冬蔭公夠味得來唔會勁辣，浸住啲粉好正呢。唔太辣的話可以飲幾啖，

20140618-20 - ✈✈北京出差✈✈

6月18至21日星期三至星期六

上京出差，下午上去，食麥當當包，貪個足球樣，味道呢...都係炸雞包。

點知班機Delay同埋塞車，八點至去到

今次住大房，一間房有兩間睡房同dining room，其中一間房係包一個洗手間。有茶葉可以沖吓茶飲。

個廳咁大都唔會坐喺度睇電視，因為睡房都有電視啦。

個飯廳有用，因為唔包早餐，可以買定啲麵包蛋糕聽日食，或者嘆吓茶，又可以同同事傾少少嘢。

早餐食cheese cake，都唔錯，幾好食，帶了蜜蜂熊出差。

無聊影吓。

lunch去pizza hut 食，三十幾蚊個set，雖然係人仔，有幾樣嘢食，算ok啦。

食炒飯，粉量少啲，但夠食了。集團唔怕食壞人。

晚上北京CTO好好人請我哋兩個女仔食晚飯，可能大家都香港人，佢上嚟十幾年都悶架，間中見到香港同事會開心啲。

晚上返酒店又勁飲茶，拎入房嘆，

最後一晚聽cto講行遠少少新鴻基有個場叫APM，可以有其他餐廳選擇，反正都是王府井，都行吓，Charme restaurant，都多嘢食揀，而且好似幾合香港人口味，叫幾樣兩個人食。

豆腐不算辣，

粉絲都ok，油就係比較香港油啲，但可接受。

返酒店夜晚看世界盃，唔熄電視想半夜睇吓，但只係半夢半醒，睇唔到，扮睇電視。

星期六早機回港，出差酒店好正，所以都唔抗拒間中出差呢。

20140621 - ◐自家製pizza again◑

六月廿一日星期六，

熊人又整pizza，因為買了酵母粉，可以繼續整，整過幾次無問題了，只是要等麵粉發酵，其實幾好時間，大概要等兩個鐘，所以如果要食pizza要好早整，上面啲配料反而易搞。

歐洲啲pizza唔興咁多料，芝士蕃茄pepper已好好味架啦。

20140614 & 18 - ⊕All day breakfast + 自家製pizza⊕

六月十四曰星期六，

同熊在屋企附近食all day breakfast,

因為係葵涌工業區附近，野比較平。

四十元左右，其實all day breakfast 啲食材唔貴，價錢七八十蚊個真係好唔抵。

呢間啲腸仔算比較靚同好味，唯一差啲係無磨菇囉。

熊之後自己整pizza,個味就無問題，係個包就出事，好硬似餅乾。

過兩日去買酵母粉再整過就好得啦。

其實pizza簡簡單單有芝士同蕃茄已好好味。

20140609 - ◇◆Ramen Champion◆◇

六月九日星期一。

去過京都拉麵小路之後，間唔中都會食下拉麵。

會去佐敦Ramen Champion 度食。

因為有好幾間拉麵俾人選擇。

有時有啲拉麵店開幾個月就會自己搵舖開。例如博多一幸舍就係啦

今次試兩間。

 

一間八盛屋，另一間阿修羅。

 

 

食日本拉麵糖心蛋好味是MUST。

基本上間間都整得好食。最大問題是湯底吧。加咗芽菜會好食啲，而且營養平衡啲。

個叉燒是燒的，比較香。只是個人不太喜歡湯底太油，好漏，食唔到幾多。

 

另一個是沾麵，其實幾好食，只是沾麵不是我們杯茶。

因為個汁一般會比較濃，又係會比較漏，不過麵質唔錯，好食過西九果間好多。

20140602 -•●❀荷花@城門谷公園❀●•

6月2日星期一，是日端午節

同熊在佢家附近行下。

忽然想起初夏是荷花季節。

想影荷花就要搵下地方。

 

原來好近熊的城門谷公園是荷花勝地。

當日有唔少龍友帶哂長炮。

我只有105MM咋。

 

不過其實好近，所以好易影。