20131231 - •●◕台灣(5) 難忘的合歡山賞雪◕●•

12月31日星期二，

我哋琴日行青青草原同附近的市集時，有位叔叔介紹我哋早上去合歡山睇雪，佢仲拍哂心口話一定有雪睇，

呢間就係架車，我哋諗住搏吓啦，交咗錢就記低我哋住邊，話會去我哋民宿接我哋，我哋出發啦，好好天，架車有大塊玻璃，可以睇到好多景色。

架車一路上山，開始見到啲植物鋪上了一層白雪。

由於天氣好，所以藍天加白雪特別醒神。

去到山腰有個停車場，停低俾我哋影吓相，今日好好太陽，山脈好靚但四周都有積雪。

山上啲樹全部都掛上雪，好似聖誕卡。

你以為咁就值得驚訝嗎？原來好戲在後頭。

去到武嶺山先係最靚的地方，再高啲雪更厚，所以車上山要鎖上鐵鍊，我哋落車時都俾定膠袋我哋套鞋。

儘管外面陽光普照，好似好和暖，但係其實仲好凍好大風。

熊人無帶手套根本唔想拎對手出來，手指冇熱力，想用挨瘋都難。

真係點都想像唔到台灣都有咁厚的雪景。周圍都可見到冰掛。

好多地方可以行，但跟車都唔會太多時間。

之後再帶我哋去合歡山國家森林遊樂區拍到此一遊照。天氣雖然好凍，但太興奮。咩都唔記得。

其實我哋好好彩，因為全台灣只有合歡山最高最適合賞雪，但冬天又唔一定會有雪，要天氣凍天落雨先有機會，如果前兩日去合歡山應該會落雪，但落雪又唔會咁舒服，因為太大風太冷，好似上年去韓國咁烏天黑地，唔係好事囉，今日就最好，落咗兩日雪有一定積雪，但天朗氣清，實在好難得好好運。

睇完雪都係中午，之後就落山了，落山又搵食。又係當地餐館，食豬手。

黑豆豬手好特別，豬手又好食又腍。

食完就番民宿附近影吓相兩點幾就走了。

最尾經過老英格蘭民宿。

20131230 - •●◕台灣(4)清境之飲食及民宿◕●•

12月30日星期一，

上篇只是講到青青草原的環境，動植物，呢一篇就講飲食同民宿，唔係太多食肆呢，我哋寧願行吓食地道嘢，

近山下出口個位有好多有遮蓋的攤販賣小食，天氣好凍九度，搵食最重要，

 宜家啲台式腸好多種味呢，但我喜歡最基本就得啦。

豆干，

最後我哋食咗腸仔，炒粉絲，

豆干。都幾好食。

夜啲回去民宿附近係比較高的位置，唔係太多嘢食，搵到間小店，天氣天凍，本來想食雞，點知賣哂，當時都係七點幾咋，好彩有其他嘢食都唔錯，炒菜都幾好食，熱辣辣炒出來。

點了一個湯，熱辣辣，個人先暖番。

苦瓜煎蛋好好食呢。仲煎得唔錯。

沒雞就食魚，成個火爐上，有汁又鮮味，呢餐好好食，因為好地道而且唔再係夜市啲熱氣嘢，正正經經住家飯。食完之後好凍咁去咗附近間7-11買咗零食同小小手信。

之後介紹一下我哋住的民宿，我頂民宿時好想睇日出，所以我訂間日出房，由於近聖誕節新年，好貴，好多都差不多成千蚊港幣，終於揀到間平少少，只需NT2800左右，

原來平係有原因，因為比較簡陋，而且位置比較高即係比較遠啲，由青青草原行上去都幾遠吓。而且個洗手間好簡陋，有個露台，但實在太凍，根本唔想出去露台食風，其實幾好View 架，不過夜晚就黑媽媽。

啲木材裝修好有外國小屋feel，不過房係冇暖氣架，日頭都得九度，夜晚唔知得幾度，只知道我哋喺房度講嘢係出煙架，結果呢，熊人問老闆有咩可提供，原來有電毯，咁都好啲。開住電毯瞓好正，點知半夜熱醒了，因為我哋開得太大了，估唔到當日係咁凍呢。

早上出露台看係幾靚架。

真係可以睇到日出架，不過我哋第二日睇其他嘢仲開心。

冇錯過日出，金金黃黃，有田有屋，真係好靚。

早餐不太合我口味，咖啡唔好飲，不過冇咩所謂啦，食碗粥飽飽。而且你唔喺度食，唔通落山食咩。

20131230 -•●◕台灣(3)清境農場◕●•

12月30日星期一，

Holiday Inn Express 的早餐，由於是Express，即係咩都簡單少少的酒店，唔會有泳池，而早餐都是buffet，但是迷你版，有腸蛋，火腿意粉，蕃茄，中式炒麵，粥，水果，麥片，麵包等，一般大家會食到的早餐都會有，最正就係有自助咖啡機，我同熊人自制個all day breakfast ，每人飲兩杯咖啡就夠哂了。

 

今日我哋執部分行李就離開酒店了，明晚會再入住。

我哋今日去清境住同玩，我2010都係自由行台中，知道要坐南投客運上清境，途中會停埔里，我啲酒店係好近客運站，只是街頭街尾，非常方便，大概一兩個小時的車程就到了。

有好多唔同外型的民宿，而由於清境地勢頗高，所以天氣比較凍，而且四季分明，聽說十一可在附近的奧萬大賞紅葉呢，今日天氣很冷，應該不足十度，沒有下雨，但很少陽光。
間中見到少少太陽加藍天加黃葉已經很不錯。

我們放低衣服就去青青農場行吓。這個季節有芒草。

有少少紅葉，只是冬天的關係，草地不是綠色的而是啡色的。

不過我哋都喜歡大自然，見到咁大地方都會四圍行吓。

有草有山有藍天白雲，都好開心。

有不少步道可以當行山，我哋隨意選一條步道行吓，樹葉都掉光了，再加上陣陣寒風，深冬的感覺。

去到清境農場綿羊秀個位，可以騎馬。我哋無騎，啲馬好靚，不過好多馬糞都幾臭。

再行吓就好多綿羊。

地方好大， 人唔算好多，可以坐吓草地睇住啲綿羊都好開心。

最開心係完全冇圍欄，羊同人可以周圍走，可以買飼料餵羊，同羊有近距離接觸，我哋就選擇坐吓草地，望吓啲羊，影吓相，由於冇任何圍欄，啲羊好自由，影相都好自然。

行吓行吓竟然見到草泥馬呢。我第一次見呀。

除了動物，其實呢度都可以影吓植物。有紅葉。

呢隻叫山櫻。山櫻（Prunus serrulata）是櫻花的一種。原產中國、日本，屬薔薇科別的落葉喬木。一至四月開花，開花期不長葉子，花色多為深桃紅色，三到五朵共生，並有下垂性，多為單瓣。

青青草原五點左右就關門，而天都開始黑同凍，我哋快啲返民宿好了。