20131214 - ◈◈大棠楓葉遊◈◈

12月14日星期二。

不用上班的星期六，

同熊及及熊媽媽去大棠看楓葉，

熊媽媽其實住在大棠，不過又未去過睇楓葉，因為要上山其實都幾辛苦。呢兩年經過傳媒大肆報導之後，每年十二月至一月都有大批行山人士，影相人專程到大棠賞楓，影響了附近居民平日的交通。熊媽媽近日出入都大受影響，成日冇位坐，真係幾慘，今次同佢行下，佢就會知道點解啲人咁瘋狂。

未去到楓香林之前有個燒烤場，停車場，再行上去就係。

今年個牌多咗個「楓香林」，指示咁清晰，唔會唔識去啦。

今年都算係好早有紅葉，因為天氣都算係又涼又乾。但十二月中都算係頗早。好多都未轉色。

但去到最靚果幾棵始終都係有幾棵最黃同最紅，去過的人一定知邊幾棵係最靚。

就係呢度啦。

行到半路有微雨，因為今天天氣開始轉差，將會番風啦。

好多葉都爛爛地，呢棵算好靚。

其實十一二月都是芒草的季節，只是，在大棠來說，大家只會看楓葉，芒草被遺忘了’

看完之後行落山時開始下大雨，好彩我哋都睇哂，而且雨越下越大，又開始轉冷，好彩走得快好世界啦。