20160831 - ✿｡◕‿◕｡✿BB衫

8月31日星期三

前陣子永安減價，我同熊人都去買吓嘢，熊宜家返上環，我放工過去坐叮叮都OK，點知原來上環間永安係收7:30PM，我哋買咗兩件靚靚冬天衫就要走，其實仲有好多BB嘢未買，趁有折買抵好多，去千色一啲折都冇好貴。

最後我哋過去上佐敦永安繼續買。

我哋買咗好多初生BB和尚袍之類，好似要六件咁多，奶樽之前千色買咗4個NUK，嫂嫂又俾了四個CHU CHU。蒸奶機之前買了。

永安唔係樣樣都平。

但衫仔好平，我哋買咗啲90 (歲幾的BB衫)俾BB下年著，幾十蚊件，都幾靚。

男仔都係黃色藍色綠色咁。

有啲動物圖案好可愛，喺屋企粗著都抵。

20160827 - ❤❤去西貢行吓❤❤

8月27日星期六

今日同熊人去西貢買海鮮，因為同哥哥佢咃食食食，今日也是小姪仔的生日，於是趁機食吓海鮮，其實我冇咩可以食，因為始終不太敢食蟹。

仲有個多月，要努力，忍到口就忍吧。

 

宜家冇車去邊都不太方便，不過其實入西貢都唔係太遠，只是宜家天氣好熱，我又好怕熱好怕熱，所以出街等車都是活受罪。

坐99其實好快去到西貢，方便過去荃灣。

今日食TEA SET，想食豬扒漢堡，個薯仔格格脆好好食呢，真係好脆。

 

HOME MADE Pizza都好唔錯呢。

我哋食完之後都冇咩行到，因為我好熱呀。流好多汗。我咃想睇吓船啲嘢平唔平？不過睇過之後發現西貢街市比較平，之後都係坐99回來，由於忘記帶冰袋，唔敢轉巴士，只好在烏鐵站轉的士。

昨天開始姐姐到港，早咗一個月，不過都冇法子，請唔到仲驚，我哋放低姐姐在家清潔，兩口子出來行，多咗個人好唔方便呢，但為了BB一定要有姐姐。

20160821 - ♪♬♩♫ 郭富城《舞林密碼》演唱會頭場♪♬♩♫

8月21日星期日

今晚去睇演唱會呀。之前好多個月前在家睇城城you tube ，睇好多舊歌，當時諗，如果佢再開演唱會就好了，因為我小時候其實好少迷偶像，城城係唯一一個令我用零用錢買雜誌，買演唱會飛的偶像，如果可以廿年後再同老公同囝去睇，係好特別的事，而上網搜尋之後，發現今年會開演唱會，所以留意時間就買飛。

我哋今日係睇第一場，好早去到附近，好多人睇，好似係拜神儀式，其實咩都睇唔到。

之後去都會置富food court食晚飯。忽然想食八方雲集的餃子。

最平的飛，估唔到山頂中的山頂，由尾數落第二行，四百幾蚊張飛真係好貴。

好彩佢個舞台係精心設計，成日都升到好高，不過手機都係影唔到。如果有帶相機就好了。

以下啲相由網絡copy

廿年後再睇城城是情意結，也還自己一個心願，生仔之後，唔知幾時再有得睇。

郭富城《舞林密碼》演唱會頭場完滿結束，全場勁歌熱舞，歌曲list如下：

1：舞士精神 + 最激帝國
2：神經
3：純真傳說
4：風裡密碼
5：遊園驚夢
6：就是孫悟空
7：我是不是該安靜的走開
8：永遠愛不完
9：個個讚你乖 / 有效日期
10：狂野之城
11：火熱動感LA LA LA
12：木偶襲地球
13：絕對美麗
14：化妝舞會
15：複製靈魂
16：你是未來
17：對你愛不完
18：I LOVE YOU SO
19：脈搏
20：失憶諒解備忘錄
21：雨中感嘆號
22：不老的情歌
23：愛的呼喚
24：臨行
25：鐵幕誘惑 / 唱這歌
26：這夜心情

20160820 - ❤睇完醫生去石籬飲茶❤

8月20日星期六。

今日同熊人去睇醫生，都有少少擔心BB唔夠肉肉。
所以呢個星期食咗幾隻薑醋蛋加餸做午餐。

早上熊人出品的早餐都幾正。

 

今日睇醫生唔多人，但都等咗大半小時。由於搬返馬鞍山成個月只重了兩磅，所以好擔心BB瘦瘦。好彩已經有4,2X lb啦。看來都足磅，醫生話佢出世最少有7lb~。我想bb有8 lb，但又怕繼續谷會肥自己。醫生話，之後三四周都會長得好快，但到36周就會慢下來。

三個星期之後再去睇，hehe，到時會否有六磅？要努力~

今日又要抽血驗b鏈，驗多次有冇貧血，乙肝同埋妊娠糖尿，我即時嚇一嚇，如果有點算，醫生又好淡定，有咩就bb打針，糖尿就我戒口， 只要四五日收唔到診所電話就pass。又二千幾元啦，不過都駛慣了，只要bb健康真係咩都得。

 

之後想兩口子去飲茶，其實可以在太子飲都得，但唔知點解又走返去石梨。坐在稻香裡面好少人，問熊人有咩感覺，佢話好似同之前一樣，但其實已經好唔同。係呀，條街一樣﹛附近啲樓又一樣，只係我哋變咗，2變3，

 

今日食咗炸春卷。好少呢隻傳統春卷。

鴛鴦雙潮。

豬手，點知勁辣。

好味燒賣。


粟米墨魚餅。

之後好大雨呢，要避雨成幾個字先可以行。然後再買啲家品。呢度帶俾我好多回憶，可能隨住bb出世會慢慢淡忘呢。

20160814 - ♧♧Suicide Squad♧♧

8月14日星期日
熊人好想睇呢套戲，星期五六病病地，見好少少，昨天買定飛今早十點看，3D早場$55，算抵，不過如果冇3D仲抵。

故事簡介

美國國家情報主任Amanda Waller秘密集結囚禁於世界各地的最危險人物，組成地上最瘋狂特攻隊，向他們提供最猛火力武器，對付神秘強敵。她看中這班惡霸惡名昭彰，即使任務失敗，也可歸咎於他們，否認責任。但，當自殺特攻隊的成員意識到自己只不過是任務失敗時的代罪羔羊，他們會賣命奮戰，拯救地球，還是令情報局自食惡果？

影評講到好爛，不過其實都幾好睇，節奏幾明快而且冇咩冷場，啲人物又鮮明。

當然冇咩劇情可言，不過當中都有交待人物的感情都有啲描寫。


睇完戲之後兩口子去長廊行一陣，再行間好大的759，再去食德興餐廳的魚蛋粉，最後買餸夜晚煮。趁BB未出世，最後的二人世界日子。

20160808 -ヾ(◍'౪`◍)ﾉﾞ 熊上班了

8月8日星期一

今日熊人要上班了。

自搬回馬鞍山後，一切也像是上天安排好，我一直擔心熊人的收入，因為隨著小熊人出生，要請傭人，搬屋，租金大增，實在要想想經濟問題。

雖然婚後我們的生活很開心，年多甜蜜的生活都不捨得熊人不在家，但現實是熊人需要找一份收入穩定的工作應付家中的開支，六月底時朋友介紹的工作最後也落空了，想不到一個多月後因為該位置被解僱了而決定聘請熊人。

這亦是最合適的時間了，因為熊一直擔心樹懶不懂照顧自己而放心不下，熊一直都希望讓樹懶食家庭健康飯，又可以帶飯，現在搬回媽媽附近就最好了，每天有飯吃。熊也可以放心。

最開心是熊人的工作地點是上環，我們可一起上下班，能夠跟老公一起上下班是很幸福的事兒。

20160807 - ♠♤彩福皇宴@石門♤♠

8月7日星期日

同熊家人去飲茶，佢哋就我方便去石門站飲茶。石門站啲商場係新開，好多店都未開😁。但星期日呢間彩福係好多人等位，我哋人多就一早訂位。

人多咩都可以點。炒飯炒得很乾身。

呢碟素，炒俾熊媽媽食。

呢個蟹皇伊麵，有人唔俾我食😤

咕嚕肉。

芝麻包

上湯寶盒，好好食。

素腸粉都好滑。

蝦餃是必食的

松露帶子菜苗餃就係大大帶子仲有黑松露。

沙律雲吞都好味。

呢個有鵝肝的都好好食。
仲有甜品。

好多款式的點心，新口味，比較特別。唔少點心，係平日好少食到唔。有機會都會再嚟飲茶。但最好訂位先。

20160806 - ✿｡◕‿◕｡✿新屋

8月6日星期六

新屋在昨天收埋最後一件傢俬了，真係好遠，比以前早好多起身，不過個鼻敏感好似好少少。

住一輪，到時睇定啲買樓。

暫時都好滿意間屋，因為空間好大，不過遲啲BB出世之後就好多嘢了。

啲傢俬全部在實惠買，有貴有平。

原本星期二已經送埋梳化嚟，點知打風要星期五先送到。

個飯廳櫃同餐椅我都好喜歡。餐椅成六百幾蚊張，好彩當時熊人做會員生日有九折，而且又送$1,200Coupon可以補在啲餐凳上。

而個廳的梳化三千幾，地櫃1299，全部都有九折。hehehe。今次買咗萬幾蚊傢俬，到下次再搬屋時，可以買少啲傢俬。

星期六請假整頭髮，整完之後叫埋爸媽過來屋企食宜士多啤梨吉士Pastry，買咗啲餐墊，靚靚，for整嘢食影吓相。

20160805 - ☼Jamie's Italian☼

8月5日星期五。

今日各自精彩，熊人夾band。

我就約了細I食飯。

我哋趁宜家Jamie's Italian 可以book位唔駛等，所以就試吓，

款式不多。

主菜大約200元一個，

pasta 都要150 - 200幾蚊一個。

怕點了pasta 會食唔哂pizza，所以點一個沙律同一個意粉。

好多款都有少少辣，由於細I大少少喉嚨痛，所以冇咩可以揀到。

呢個叫三文魚重量級健康沙律，好多菜，尤其有我喜歡的紅菜頭。

有紅菜頭醃製三文魚意大利西蘭花、牛油果及蜜餞甜菜伴以紅石榴及堅果種子碎。

由於有堅果，所以幾好咬口，有牛油果令整個沙律富質感同飽肚。

點Penne Carbonara ，醬汁以蛋和芝士作基調 而不是用奶油的，味道好普通，不會令人好難忘，可能因為我本身唔expect用長通粉，覺得不太襯，煙肉脆脆幾好食。

總括來講味道唔差，不過又唔值咁貴，沙律可在by gerrard吃到，而意粉亦不會令人留下咩深刻印象，未食過的可以一試，試過的話就唔駛再食。

Jamie’s Italian

地址：香港銅鑼灣登龍街1-29號金朝陽中心2期 Midtown 2 樓
電話：(852) 3958 2222
營業時間：星期一至星期日 上午11時至晚上11時

20160802 - ☂☂8號風球妮坦☂☂

8月2日星期二。

一搬入嚟第二日就打風，上星期傳會打得成，我都唔太信，因為成日傳得越行，就越打唔到。

而且我唔恨打風假，另外原定星期二下午送梳化，唔想又要等多幾日先有傢俬。

點知星期一晚已經打到嚟，晚上845已經八號，公司破例打嚟叫大肚婆早走5分鐘....5分鐘咁多。haha但迫火車時，啲人似世界末日咁走難。因為今次呀風小姐妮坦吹得好正，而且都幾強，好彩佢行得好快，未能增強得好勁，而且今次係東登有山頂住，唔會太勁，不過馬鞍山明顯強過維京好多啦。今次打風三家人都在附近，真係幾warm。

晚上掛波，大家都準備要朝早落波返工，捱到12點益銀行算好。

不過我都預咗早上唔駛返，熊整豐富早餐。all day breakfast有午餐肉，好fusion~

最後我唔想迫車就請了半天假，唔好再打風啦，我唔想蝕假了。

當日熊未駛返工，我哋趁下午冇咩雨就落街買啲家居用品。都幾開心呀。