20150629 - ╭。☆午餐@大吉☆。╮

6月29日星期一

約了陳c9食lunch

好耐無去大吉，就食吓。

啲lunch set唔同哂。

本來想食粒粒魚生飯，點知又賣哂，

咁多數會揀刺身定食，可自選三款

我想揀吞拿魚，冇，三文魚又唔多想食，有啲魚生我其實唔想食。

結果揀了吞拿魚腩蓉。

Chanc9揀了刺身自選三款。

味道幾好，有小小沙律湯同甜品，

甜品可選水果，豆花或hagenanz cookie 雪糕。

20150628 - (◍•ᴗ•◍)Magic hour@ 荃灣海濱

6月28日，星期日

冇咩事做，因瞓到好晏，一兩點至起，食完晏都兩三點，

今日又去荃灣海濱影，但又係好厚雲，不過好彩日落之後的Magic hour忽然雲層變薄，

Magic hour 竟然有驚喜，其實日落咗之後先最靚，即七點至八點仲靚。

當日好多龍友用哂腳架影，有好多用埋黑卡，我想知點用黑卡呢，看來呢度影日落都幾熱門。

20150627 - ♣♧白石角海濱長廊♧♣

6月27日星期六，

前一晚去了媽媽度睡，

熊就自己整蘋果批，今次個皮都好好食。

因為今早一早去整頭髮，今次係人生中第一次電髮。之後同媽媽去食Italian tomato,

然後熊好早就來再接我。

我哋想影下time lapse ,去咗科學園嗰邊，白石角海濱長廊，雖然好熱，但好好環境呢。

啲雲超級靚，影到差不多黃昏至走，想去荃灣海濱影日落，點擊知出到去荃灣天色唔好，有厚雲，沒有magic hour,

之後同friend一共四人在家hea 。

20150623 -♪♬♩♫第二個羊毛氈公仔♪♬♩♫

6月23日星期二

第二個公仔做好，今次快好多，星期六整，星期日其實整完，只係爭對眼要用膠水痴，

今日去西九龍中心，又買多兩份新的羊毛氈公仔，順便買埋膠水，好開心熊陪我行同埋揀羊毛氈公仔，之後再在FOOD COURT 食，啲嘢好平，又多嘢食揀，食了菜飯同北京餃子。都唔錯呀。

 

整好了。

 

今次呢隻好得意吧。我都好滿意。

20150620 - ❤♡石籬粉仔♡❤

6月20日

星期六

同爸爸慶祝父親節，入馬鞍山前去石籬粉仔食碗粉，

之前u magazine介紹過，想去食，但星日唔開，星期一至六開11-7，我平日都唔駛旨意食到。

三點幾食，我細過無食過粉仔，當食新嘢，熊就食懷舊感覺，幾好味，幾精緻，有豬油渣，加佢啲冬菜，好好味。

之後去哥哥度慶祝父親節，熊整嘢食，當日天氣好好呀，影到magic hour之外，仲影了縮時攝影。夜啲熊教俊廷打機，我哋睇哥哥4年前結婚時的朝拍晚播。

20150619 - ☎羊毛氈公仔完成了☎

6月19日星期五

我的第一隻羊毛氈公仔完成了，話說朋友c成日都話西九龍中心好多貼紙手作仔啲嘢買，星期日同熊去深水埗買挨瘋腳架之後過去行吓，去到七樓竟然見到我一直想找的羊毛氈公仔套裝，問吓店員未整過的人整唔整到。佢話可以，於是就買來試吓。

有齊教學，仲有片睇，唔難，但自己整得唔係好靚，一份有兩隻，仲有個企鵝未整。

20150618 - ❁❁熊人成功的馬卡龍❁❁

6月18日星期四

樹懶同同事去唱k,熊在家自己整馬卡龍，唔同我一起整，整到飯都未食，過來接我前先食飯。

今次好成功，喺媽咪度拎咗台灣買的綠茶粉做餡料。整得好靚，

入落去上次Laduree 的盒度，勁得。

上次買馬卡龍時先知食之前要在室溫放十五分鐘先好食，呢個其實好重要，好影響個質感，唔攤會好死實實。

20150613 - ╭。☆觀塘海濱公園☆。╮

6月13日星期六

不用上班，HEA到好晏先出來，想影吓想，想玩IP6的縮時攝影，又想影日落，

熊就帶我到觀塘海濱公園，因為我成日都想去，未去過。

呢度有影婚拍，亦是龍友影日落之勝地，

當日厚雲唔落雨都偷笑。

呢幾舊似積木的已成為觀塘的地標。

在海邊坐一陣HEA到五點三就走，影了雞蛋花

 

之後想去APM，熊唔肯，怕見到間條熊的產品，-__-''

去了Mega box。

識食一定去宜家食。

有三文魚闊麵，熊食肉丸。

雞翼唔及euro gogo咁好食。

仲食甜品都是一百一十元。

 

行宜家買到嘢，梳化布。

同埋牛奶樽，可放結婚的花球。

20150612 - (◍•ᴗ•◍)甘味手打讚岐烏冬

6月12日星期五

放工早早，同熊人去葵芳行吓。

唔知食乜，食甘味手打讚岐烏冬，原來宜家所有都可以加十元轉湯底，我哋都想食蕃茄味，所以都加蕃茄湯底。

平日好多人食的蟹籽蟹柳。蕃茄湯底都幾濃。唔錯。

熊食的牛肩，但好un喎。

日式煎餃子，個皮唔得。

20150614 -♣♧西九龍中心♧♣

6月14日星期日

近來發現挨瘋綠有縮時攝影呢個分純，所以成日拍片，由於要拍片要定個位，所以想買個夾，似腳架的作用，夾在欄杆上，於是去黃金睇吓。

去完黃金之後就去西九龍中心睇吓得意嘢。

五樓同七樓好多小店賣得意嘢同手作仔，一層好多迷你鋪，行哂都花唔少時間。有紙黏土，偷影的。

而我最開心係俾我找到羊毛氈手作仔的小店，好多一份份的羊毛氈賣，買了一份玩吓，開始拮拮拮生涯。

20150606 - •●✿PMQ元創坊 ✿●•

6月6日星期六

好熱好熱。

晚上返媽媽度食同瞓，放工同熊在中環逛逛。

先去HOLLY BROWN 食lunch，今日我同熊都不約而同想去Holly Brown。

今次食了三文魚bagle

牛角包，當然少不了最愛的flat white

行咗上半山，行行下去到上環的PMQ元創方。

熊人又話Chocolate Rain Cafe 係俾腐女去食。

其實我都想去食架，不過熊人應該麻麻地。咁影吓啲公仔算。

有熊人。 (^3^)

熱到pk咁行番去中環，買咗隻熱狗食。

之後坐681返馬鞍山食壽司。

5點8等位到6點4先入坐，馬鞍山真是無啖好食。

近來喜歡食呢隻炸蠔。

20150611 - ♪♬♩♫Laduee♪♬♩♫

6月11日星期四

又買Laduree macaroon，今次連個盒6個，但其實好貴，貴在個盒，散件平好多，但個盒真係好靚。

同熊人食完飯之後慢慢嘆，嘆住三個先。

有伯爵茶，杏仁味，朱古力，咖啡，BERRY，同埋有件兩個是玫瑰青檸，味道主要在個餡度，要食佢個過人之處，在於個皮，薄薄的皮，外脆內軟，相比之下，我們的馬卡龍好似真係硬身咗少少。

買埋呢次，有排唔再買，要睇睇我哋點改善個皮。

20150607 - (￣▽￣)"學煮意粉

6月7日星期日

熊在媽媽家接我走，想去影日落，但好似天色麻麻，最後在飛鵝山睇睇，雲好厚影唔到日落，但啲雲都幾靚。俯瞰成個九龍。當日好多人玩航拍，其實都幾嘈，幾擾人。

走時都晏晏地，返家煮啲簡單少少嘢，係熊人教我。

意粉-半煲水一茶匙鹽，一邊煲水一邊煮意粉

意粉一人粉量一蚊銀大小

9-11分鐘大火，其間試食

切兩粒蒜頭，切碎

炒蒜蓉，煙肉碎，中火起鑊。

有香味，放磨菇腸仔，開始熟，放蝦，

蝦不透明，放香料，parsley basil 黑椒

鹽1/3 - 1/2 teaspoon

倒cream 半盒。

20150601 - •●❤禮成❤●•

6月1日星期一

今日先同熊人補辦結婚註冊。

我哋揀咗大會堂，都無咩叫親友到來，因為相隔太久了，而且又係閒日，唔想要人請假，所以得好少人，只有我的父母同埋熊媽媽，仲有媒人夫婦。

但我都著得靚靚同揾人化妝。

到了宣讀時我真係忍唔住喊，因為我哋好辛苦先起埋一齊，中間真係有點波折也有些經歷，看似簡單，實際上卻得來不易。

到現在想起來都會喊。

希望我同熊人會更愛對方，不論日後會變成點，都會對大家不離不棄。

之後去荃灣Pokka 食tea。

食了窩夫。

龍蝦湯意粉。

哥哥晚上才知道我今天註冊，唔多高興我唔話佢知。 sorry 囉。