20120226 - ╭❤╯╰❤╮烏溪沙海之心

2月26日星期日。
晚上回家吃飯。
日頭同熊去烏溪沙，因為之前在網上見到有個石心，好想去睇吓，再加上又近屋企，又可以當行吓。

當天熊整了螺絲粉，是肉醬螺絲粉，我唔食牛肉之後，好少機會食肉醬XX了。
因為肉醬一般是肉牛肉，比較惹味，唔係太多係豬肉。
熊話呢個肉醬要整好耐，有紅酒有蕃茄等，
佢話覺得唔夠味，但我堅係覺得好好食。
因為啲螺絲粉坑紋可以吸到汁，而且我真係好少食到肉醬，所以覺得好好味。想再食多啲。

熊為了整個粉而晏晏，三點幾至到，我哋都是在車上食。

 唔緊要，因為烏溪沙好快就行哂。
其實唔係在烏溪沙，而係在馬鞍山行過去就係。

仲有「祝福你」。

 可惜有啲人，尤其係大陸人會企上個心度影相，個心開始蝕。

 其實個石心係由一位伯伯執石仔，逐件逐件砌上去。應該是圖中的伯伯吧。

 熊當日整剩了的肉醬就在星期二食埋佢，今次佢用意粉。真係好好食。

 仲有三色椒。

20120225 - ╭❤╯╰❤╮西貢閒遊

2月25日星期六。
熊車我們一家人到西貢行吓食海鮮等，希望熊可以同我家人打好關係。
尤其媽媽，擔心自己個女，所以要安排熊同家人見多啲，俾佢哋知道熊其實係好可靠。
我哋去西貢行吓，其實冇咩好行，不過父母真係好少去，所以周圍HEA 吓都好。
hea 得幾hea 就係去食。
第一站係食甜品甜源居。
各人都叫甜品，有芒果pancake~

 香蕉船。

 白芝麻糊。

 西米露等。

 大家一坐低就玩手機...ipad~

另外在街邊買咗啲茶果，有即時食，又有啲留番屋企食。

 之後就去食海鮮，
我哋好多都幫趁啲船家，就咁坐喺船到買賣，買賣時吊起啲海鮮同錢，好得意，上次同熊買過條魚好抵食。
不過今次就麻麻地，好多都好細，好un支支。
因為開始入黑睇唔真。
買了海鮮再找店舖加工，當然要收加工費。

蟶子不錯，幾肥美。

 瀨尿蝦太細了。剥殼後都冇肉食了。

 蟹都ok。

 啲蝦太細了。之前仲話想開邊蒸，點開邊呀....XD

 扇貝都OK

 鮑魚仔都幾鮮味。

 魚係養魚，唔差，但唔值咁貴。

 大家好少咁食海鮮餐，雖然有兩味比較失望，但都食得好開心。而且熊又可以加分了。

我哋會再搵機會食多幾次海鮮餐，但唔會幫襯船家買料了。

留了兩個茶果第二朝食。好味^^

20120224 - ╭❤╯╰❤╮板長@海趣坊

2月24日星期五
星期六不用返工，可以同熊HEA 晏少少。
同熊一起坐車去屯門，忽然想食板長。

其實我好少食板長同板前，因為成日要勁等位，初初識熊時同熊喺馬鞍山食過一次板長壽司。
當時同熊一起冇耐，熊以為自己拎漏嘢，去停車場搵嘢，搵完上番嚟好熱，我仲同佢撥涼。
哈哈哈。
當時仲同佢每件壽司都食半件。
好好笑。

三文魚，帶子。

 魚。吞拿。

 鰻魚手卷。

 吞拿魚軍艦。軍艦同手卷都是好大塊紫菜，要即包先好味。

 想食鰻魚，之前食咝鰻魚壽司好好食，點知叫大條的鰻魚，個汁又唔係嗰仲味。

 有個刺身飯又試吓，原來好迷你的，得一小碗飯，但多刺身都幾好呀。

 象拔蛘好食。

 再點吞拿魚。

 三文魚腩好肥。

20120222 - ╭❤╯╰❤╮老正興

2月22日星期三。
是日三條二啊。
又係去熊公司附近HEA HEA。
因為可以坐耐啲。
熊想食上海嘢。
行行吓就去咗老正興。
間店舖裝修好殘，有啲似大陸的鬼屋。
其實是家庭式的店子，冇咩裝修啫。

我哋點了醉雞，都OK喎，幾入味，而且份量都幾多，雖然用個細碗裝住，但啲雞多到有兩層。

 素鵝，OK。

炒鱔糊，好味噃，不過味濃，最好是送飯或送饅頭。

 小籠包，皮都幾薄，當然不能同翡翠拉麵/金滿庭相比，不過以小店來說，算是好不錯。

啲肉汁流出嚟。

其實仲有餐可以點，不過就唔多啱我哋，所以散叫。

20120221 - ♪♬♩♫一田food court♪♬♩♫

2月21日星期二。

同熊放工之後去沙田閒閒hea逛，有時同熊行citysuper，不過今次就同熊行一田。
一田個food court 有好多嘢食，不過一啲都唔平。
今次食了個日式滑蛋豬扒飯，雖然個豬扒炸炸好熱氣，不過加啲滑蛋幾好食。

 另外點了個關東煮，不過奇就奇在個湯底可以揀豆腐湯抵，
原來係豆漿嚟架，似係鹹豆漿，都ok啦。

 同熊行超市，因為佢喜歡食火腿。
呢啲火腿呢，得都好喜歡食。

 之後同熊傾開佢點識a小姐，同埋之前有幫忙a小姐玩RC，送啲食材俾佢，我當時未識熊呢。

熊都有玩過一排RC架。
哈哈。呢間餐廳係熊的。

 呢間就係我的餐廳。

我特登返屋企開DESTOP

20120218 - •●❀大棠荔枝山莊❀●•

2月18日星期六

同熊行元朗，去了大棠荔枝山莊，之前都唔知邊度叫大棠，原來熊媽媽住附近。
仲有個荔枝山莊，

 好似個小農場咁，有啲蔬菜賣，但是本地蔬菜絕對唔平呀。

 有牛牛，可以坐上架車度，不過其實臭臭地。

 有蕉，不過未熟。

 有花有小橋流水，有燒烤場。

 春天是炮仗花的季節。

橙橙的炮仗花，好靚。

 仲有好多禽鳥。

 好多植物，我最喜歡。

 呢隻葉都幾靚。

 仲有油菜花田，其實仲好多地方好似俾人種嘢，種好多瓜瓜菜菜。

 去完大棠荔枝山莊無耐就知佢地原來係非法佔用土地。

之後仲要關閉呢，我哋早一步去大棠荔枝山莊呢，算幾好彩。

之後熊整了西多士伴核桃，玉桂焗蘋果。好好食。