❤Starbucks Seminar❤

朋友好介紹,參加咗Starbucks舉辦的seminar,

介紹咖啡來源,有得試咖啡,又可以有件好細的cake 食吓,仲要係免費呢!

其實我鍾意飲咖啡,不過其實唔係好識飲咋,所以知多少少都唔錯,

今次試好多咖啡,仲要幾濃吓,冇糖冇奶,冇糖都冇所謂,冇奶就真係唔多慣,

所以都唔會飲咁多,上次我個朋友join 的seminar 係有latte之類唔同調製,由於太好飲,朋友杯杯清,結果夜晚瞓唔著,不過今次就冇杯杯清,所以一樣瞓到

有問答時間,答啱仲有嘢送

係杯墊一個~

◇◆又去百瀧◆◇

上星期五唔多舒服,所以sick leave,
星期六朝早仲要返工,所以都唔想點出街
去沙田食lunch算啦,
早先可以去pokka,要十二點前先唔駛等位,十二點後等位等到傻,咁唯有去百瀧食

其實同一集團,所以一樣有pokka會員餐,路人甲點咗個日本set,係鰻魚飯,雞柳,

仲有我最愛的豆腐芝士布甸,佢話飽得滯食唔落,我食埋,haha

我就叫咗個龍蝦汁煙鴨胸意粉,呢個係我近期至愛,加$28可以轉set有多個沙律同餐飲,

沙律有三文魚,煙鴨胸同唔知咩三款任揀,我食煙鴨胸,所以沙律唔再揀鴨胸.,揀三文魚,

可能因為近日天色太差,大霧又灰暗,好少影相,所以唯有對住嘢食都影餐飽啦~

█▇▆▅▄▃▂金飯碗▂▃▄▅▆▇█

講番上星期少少嘢先,之前渣打有張啱簽賬送金飯碗一個,都幾靚啊!
不過又似多件垃圾喺屋企~

有個同事去完台灣買咗隻叫做脆餅嘅手信,幾靚幾特別,好過成日都鳳梨酥啦~
都幾好食,近排好多人去台灣,因為台幣大跌,消費更加抵~
不過我想去遠啲呀~

•●❀ Pokka Cafe Grill Specialist -again❀●•

上次食過Pokka Grill 覺得幾特別，所以搵日又去食過，主要有另一個原因係今個月Pokka coupon係送特別焗田螺，田螺圍滿薯蓉好好食呀！因為我好喜歡食薯蓉,再加埋夾多士，好想食多幾塊麵包呀！ ^__^

不過點可以淨食麵包同田螺，因為呢個只係小食咋，點都要食吓其他嘢，上次好想食個鐵板雞扒,點知今次去到見到門口塊扒咁大塊，當場唔多開胃，因為我唔係食肉獸，所以食好大塊扒係要睇心情同胃口，叫咗個明太子煙肉鐵板炒飯，佢即場喺你面前炒，然之前啲嘢已經熟咗，再炒只係令佢更新鮮熱辣，不過我蠢咗，叫佢落埋啲蟹子一齊炒，炒熟哂好似冇咁好食，蟹子都係要生生地至好…成個食唒，見到個底都幾油，所以又肥爆了~ (^oo^)

如果加唔知廿八定三十八蚊就可以轉成餐，有沙律，同餐飲，沙律幾好食，

之後再叫咖啡，呢個要補錢架，熱嘅榛子牛奶咖啡，唔知點解本身已經加咗糖，我飲咖啡唔加糖架．．．．大打折扣囉～>_<

然後再喺沙田周圍行吓，影咗少少相，

最鍾意呢個玫瑰！

✿｡◕‿◕｡✿High Tea @ HKDH✿｡◕‿◕｡✿

自從九月去過Hong Kong Disneyland Hotel high tea之後,一直都好想再去,因為覺得間酒店好靚呀!

同埋啲嘢食好精緻, 

不過之後再去就只有tea buffet,因為星期六日係tea buffet, 平日先有tea set!啲食物一貫咁靚! 

杯碟又係咁grand~ 

地毯幾靚 

今次去食嘢再叫多個地中海素菜茄汁長通粉,不過好油呢,都係上次個白汁煙肉螺絲粉好味啲! 

間酒店好靚,係咁影影影,點少得門口兩個公仔~

 

連lift都有mickey minnie 花紋,

好喜歡出面個迷宮,可惜當日天色灰暗,好唔得,平日見人哋影出嚟係藍天加青綠,宜家咁灰暗的天色真係失望

不過我仲會再嚟架~

☆★潮樓-抵食★☆

忽然好想食糖醋麵，方便就手就算了潮樓，一向知道稻香集團的服務是麻麻，只是以平取勝，所以不抱太大期望，

點了糖醋麵，真的麻麻，不過當時很想吃，所以也無所謂，不過分量非常少，少得可憐，一個人應該可以吃一整碟也不會覺得飽，幸好點了其他，

另外點了太極素菜羹，純粹因為其賣相，綠色的是菜蓉，白色是雞蓉，不過白色的只是上面，基本上整窩都是菜蓉，可能成本不高，所以分量極多，足足有八碗，味道不濃，對我來說頗合適！

再點甜品，綠豆馬碲爽，水晶包
綠豆馬碲爽，不行，因為綠豆煲的時間不夠，很硬

水晶包一貫是很甜的，一籠四個，兩個蓮蓉，兩個奶皇，好吃！

最後結賬只是一百五十大元～因為沒有加一及茶芥，算是抵食了！

•●❀小食❀●•

星期六見美心西餅買3送1,就即管試吓,買了四件,一件咖啡,一件檸檬芝士,兩件意大利芝士撻,

 

除了意大利芝士撻係ok之外,另外兩年都唔得呀,好多蛋糕,中間個層cream 好油,食到成口油~no good ar

 

 

 

 

反而lunch hour 喺中環街頭見到對年老夫婦賣啲砵仔糕,糯米糍都好好食呀,平日我對糯米糍只係一般,不過呢個真係幾好食,好軟呢,對年老夫婦淨係做lunch hour 已經可以收工了,因為lunch hour 好多人食完飯都會買呢啲番去做tea呢!

◣心願桃花園◥

2月7日至2月15日係香港迪士尼樂園心願桃花園,

其實我唔係太喜歡公主王子,所以只係逗留好短時間咋~

HIGH TEA之後先入園,啱啱係巡遊時間,又睇吓啦,當日好少人呀,幾好舒服啲咁!好耐冇睇過巡遊,今次再睇都幾開心,可能因為唔算多人,唔會太迫 

當日見到好多pooh的精品,好多都好可愛,尤其因為係大頭造型,好cute, 

其中一款係pooh 相架,pooh 竟然見到eeyore瞓低都唔理,見死不救

當日主題心願桃花樹, 

仲有心心相架,同埋好多新嘅精品

當然唔少得同迪士尼朋友影相啦,最愛係高飛,因為好生鬼

仲有必玩嘅巴斯光年...呢幅好迷幻啊!