✿｡◕‿◕｡✿樹懶的日記✿｡◕‿◕｡✿: 11月 2016

2016年11月29日星期二

20161129 - <(￣︶￣)>可愛的小雞

11月29日星期二

我的可愛小豬變成小雞了。

看似很大件的衣服原來小豬已經合適了。越來越接近上班的日子，越來越不捨得。

每日在家沒有做些什麼，但跟小豬一起已經很滿足，放假多天除了外出健康院，去買餸及看醫生外，很少出門，但抱著小豬看他睡覺已經很開心。

看著小豬不知不覺的成長很滿足。

2016年11月26日星期六

20161126 - ◐又返石籬◑

11月26日星期六

咳到飛起，去石籬攞藥，熊人陪我去，順便買平平用品，因為有十二蚊店，因為可以狂掃濕紙巾，買成六包咁多，又可以食平平炒粉下午茶餐，點知落好大雨，又忽然凍咗好多，真係睇完醫生都補唔返。仲去買餸，勁大雨行，要去舊屋樓下避雨，返家又好大雨，又凍。

今日發現一件事，係bb近來只肯跟我瞓覺，之前幾次熊人餵完奶都暗唔到佢瞓，仲搞到攰攰扭眼瞓狂喊，到我接手五分鐘內即瞓，我一直以為撞彩，點知今日回家時99話豬仔整個下午都唔瞓，但我返家一抱上手兩分鐘就睡了。估唔到咁快就認人瞓覺，佢終於明白媽咪先最親😁

2016年11月25日星期五

自從上星期六剪脷筋之後要食抗生素。食三日，但食完之後豬仔好似好暴躁，再加上佢幾日屙好少，瞓得少，瞓覺好短時間就醒，由於睡不長，每四小時就要食，一天食足六餐、每餐接近六安。但偏偏屎屎好少，呢兩日越來越暴躁，唔肯瞓覺，瞓咗一小時內就喊醒，喊時仲有啲痛苦，個個都冇得瞓，應該是肚風作怪。我哋見豬仔都好辛苦，於是帶佢睇醫生，醫生見我帶口罩首先怕我感冒傳染給豬仔，不過後來問過唔少問題後排除了傷風感冒，估計係肚風作怪，開了肚風水，希望豬仔快啲冇事。

肚風成日肚痛，但佢一樣好好胃口，次次食哂啲奶。仲肚餓到紗巾都食。希望唔好食滯啦。

2016年11月24日星期四

20161124 - •●✿病倒了✿●•

11月24日星期四

病倒了，星期日晚打完邊爐開始越來越唔舒服，星期一去睇醫生，但完全唔好，昨天天氣轉涼，咳得好厲害，鼻水又停不了，很多痰，今早太辛苦也就沒有餵奶抱豬仔了。

結果兩點多去石籬看醫生，因為林婷醫生醫我的咳幾好。回程時開個cam睇吓，聽到豬仔喊得好緊要，但冇人理，喊得好慘，平時我們在家就好似做到足，其實都是門面功夫。唉。豬仔你要生性，唔好再咁扭計，媽媽返工就冇人理你了。

2016年11月20日星期日

20161120 - ヾ(◍'౪`◍)ﾉﾞ沖完涼開心豬

11月20日星期日

晚上點半睡，三點多喊著，熊人抱住睡，今朝早六點豬仔喊肚餓，俾奶豬仔食。點知之後唔肯瞓，我有啲唔舒服，繼續瞓，熊人湊整都唔肯瞓，玩到八點四我就出來頂，但豬仔五分鐘就睡了，我哋一齊瞓梳化到十一點四，之後食奶，兩點九熊人幫豬仔沖涼，沖完涼包毛巾個樣好得意。之後食奶好快瞓，但要人抱。

冇出街食嘢，早上食熊媽媽齋蘿蔔糕，中午食自家製芝士多士。

一個月後的今天我要返工了，八十天悠長假期只剩下三十日左右，雖然好悶又冇得行山，冇得去影聖誕燈飾。不過由懷孕到豬仔出世都是開心的、囝囝是上天的禮物，沒有豬仔，我的人生就不圓滿了。我們要好好努力湊豬仔，錫佢，俾最好的俾他。

2016年11月17日星期四

20161117 - (/≧▽≦)心口黨

11月17日星期四

BB成日要人攬住先肯瞓，我放緊假可以攬多啲，俾多啲安全感佢，希望佢瞓多啲，我哋叫心口黨，即是伏在心口度瞓覺。

我媽咪即是婆婆都好喜歡做心口黨。

其實見到BB伏起自己心口度瞓，係好SWEET的事，真心唔想放低佢，

尤其男仔大個咗，未必再好跟我哋，我要好好記住呢個時間，

假如日後我同熊人都老了，都要記住呢啲時候，儘管BB一定唔會記得呢啲日子，就用相片去記錄吧。

2016年11月15日星期二

20161115 - ✿｡◕‿◕｡✿打劫

11月15日星期二

在媽媽家（婆婆）有把玩具刀，是表哥的玩具，拿來開玩笑，恐嚇小豬，小豬正在扭抱時面容扭曲，就好像遇劫時慌張的樣子。

既然呢位阿叔咁入戲，俾個飯盒佢。

呢個媽咪係好無聊，搵個仔來開玩笑。

2016年11月14日星期一

20161114 - ╭❤╯╰❤╮超級月亮

11月14日星期一

今晚熊人不返家吃，因為去剪頭髮，我哋宜家開始俾bb試戒夜奶，所以晚上七點食奶比較平日早一小時，食完先到我哋食飯，我哋食完飯就早啲可以返屋企，

熊人剪完頭髮返到家九點幾，佢話樓下好多人睇月亮，我哋於是抱埋豬仔一起上街看。我拿大機影。

呢個係超級月亮，雖然豬仔唔識睇，但算係我哋一家三口一起睇過。

2016年11月12日星期六

20161112 - ❤豬仔的玩具❤

11月12日星期六

日日冇嘢做望熊人放假日，熊人星期五晚上夾band,嘈交了，早上起來又和好了。我星期二四跟媽媽去買餸，星期六就同熊人去附近買嘢同食嘢，冇咩娛樂，早上熊人整的早餐，記得都想影吓相，士多啤梨加西多士，之後就去附近看看有什麼要補給。

生活有點悶，我宜家放假，其實可以去街，不過又唔捨得隻豬，日後返工可以見到豬仔時間太少，只有每天八至一及星期六日，所以不想離開隻豬仔，而且有時姐姐餵夜奶好辛苦，日頭我盡量在家中餵奶，減少他的工作量，下午二至四我知道姐姐做好家務，我會讓她休息，自己帶小孩，如果我外出，佢就連小休的時間也沒有了，所以放假這麼久，除了跟媽媽買菜，及看醫生外，基本上沒有外出過。或許讓👶🏽戒夜奶我才放心吧。