╭。☼927 High Tea@HK Disneyland Hotel☼。╮

一早plan好咗星期六去迪迪尼黑色世界，可惜星期五已經病咗，不過實在唔想浪費咗半日假期，所以頂硬上照去， 由於真係好唔舒服，星期六都幾多人，鬼屋好多人排隊，我當時已經好唔妥唔想再排隊熱熱，只係影咗相，行咗一陣SHOP之後已經覺得攰攰， 今次決定搞搞新意思就係去迪迪尼酒店HIgh Tea - Hong Kong Disneyland Hotel，之前係做緊星期六日下午茶Buffet，不過八月之後就只有星期日有下午茶Buffet，其他時間都係 High Tea， $168 per set，佢唔需要每人1 set，可以叫一份再叫其他嘢食，我有annual pass就有八折，茶杯．茶壺好靚啊！

個SET有好多麵包！

傳統英式三層high tea，

最底層～

第二層得個鬆餅，有啲搵笨～

舊牛油都係Mickey頭

最高層有Cheese Cake, pie 等 

另外叫多個螺絲粉，好細兜都$88，不過好好食～佢啲白汁分開上，個汁好好食

成枱都係食物～ 

不得不提，呢個麵包好好食～ 

好多個位都可以望窗，好正，好好View

侍應態度非常好，最後埋單$230都唔駛，有咁嘅環境，Perfect，我唔多舒服，直情想喺度瞓呀～我下次會再嚟架～

♪♬♩♫ 926@Pokka Cafe♪♬♩♫

前幾日終於收到渣打My Dream Account 嘅Cheque Book，其實冇咩打算用啲支票～

神舟七號好似好大件事，連商場都有布置～

今日九月二十六日去咗Pokka Cafe食晚飯，食咗鴨胸肉碎意粉，幾好食，

當然唔少得甜品啦～

綠茶Tiramisu～

 

有啲唔舒服，作感冒，希望瞓醒一覺冇咩事啦～

☆★921@大吉★☆

上一篇，因為太懶只寫幾粒字，好多人都問伯大尼喺邊，根據Yahoo知識係咁嘅，各位有興趣可以去睇吓

伯大尼位於薄扶林的百年歷史建築伯大尼修院（又名伯達尼修院，法語：Béthanie），於1875年由巴黎外方傳教會建成，作為傳教會士休養之所（現位於中環炮台里的香港終審法院同是傳教會的建築物）。經過三年的復修工程變成香港演藝學院古蹟校園。經過復修後的伯大尼現為演藝學院轄下電影電視學院校舍，鄰近設有由牛奶公司牛棚改建而成的惠康劇院。博物館館藏主要在三方面闡述有關伯大尼的歷史：一）負責興建伯大尼的巴黎外方傳教會；二）伯大尼歷史；三）當年同屬傳教會並與伯大尼遙望的納匝肋印書館（現為香港大學大學堂宿舍）歷史。

其實教堂內係好靚，好多人都預約行婚禮，當日我哋都冇入到去參觀，再問工作人員，佢哋話大部分星期六日都已經book作婚禮用途，所以如果要入內參觀就要在閒日去啦～

去完伯大尼都差不多是黃昏時間， 所以係時候搵食，星期日銅鑼灣一定超多人，所以近近地去中環食就算啦，去中環我其中一家飯堂食，就係大吉喇，佢有日式放題任食，由於星期日中環靜過鬼，所以平過星期五六，只係$168一個人，真係任食 ，汽水任飲，食咗啲咩可以睇相

三文魚好厚，正！

炸物麻麻，尤其是炸蠔，同吉列專門店冇得比～

燒三文魚頭

天婦羅好味，不過我影得好差，

牛乳海鮮窩，都不俗， 

炒魷魚，又係影得好肉酸 

其實仲有多小食，不過懶得影相～

有興趣可以去以下網址

http://www.openrice.com/restaurant/sr2.htm?shopid=17048

 

•●❤921@伯大尼❤●•

九月二十一日 星期日

好熱，去咗伯大尼