20120831 - ✿｡◕‿◕｡✿霸王山莊

8月31日星期五

vyvy 9月14日生日，我同chanc9 預早同佢慶祝，因為佢哋兩位媽媽級開學之後會好忙。
所以趁暑假完之前食一餐。

今次揀咗奧海城，原本想揀金滿庭，不過太多人，出名多人，放工去實有排等。
結果揀咗霸王山莊，仲好啦，我成日去金滿庭，反而好少去霸王山莊。
奧海城三期原來好鬼遠奧運站，反而比較近旺角。

點了醉雞，幾好食。


 必食小籠包，唔及金滿庭好食，但都絕對唔差。

 黃金四季豆，我好鐘意食，因為我係好喜歡食黃金蝦...啲蛋黃，呢個炒豆，好香，好正。

 酸辣湯，唔算太辣，起碼我都飲到。哈哈。

 上海粗炒，ok

 最後是豆沙窩餅，乾咗少同硬咗啲。

overall都ok，環境都唔錯，坐得好舒服。

20120830 - ◈◈東海堂高級版◈◈

金鐘開咗間東海堂高級版。

買了兩件蛋糕同熊SHARE，宜家啲CAKE 越來越貴，30-40蚊一件已是等閒視。

呢間東海堂走高級路線，但價格未算好高級，二十至三十元有一件 CAKE

今次試Double chocolate 熱情果蛋糕，蛋糕好滑，朱古力味恰到好處，配熱情果都幾夾。OK


 另一件是海鹽玉桂香蕉芝士蛋糕。
海鹽太鹹，同蛋糕唔夾。之前食詔STARBUCKS的海鹽cheesecake好食架，唔覺鹹架，所以呢個唔合格。

 KERRY 上咗嚟，我地去食魚湯，不過辣辣而呢個係前幾日食的，唔辣的魚好滑，魚好好食。魚湯都好飲。

20120829 - •●❤肥姐小食店❤●•

8月29日星期三，

我哋好少行街，主要係因為我哋都唔係好鍾意SHOPPING，

我以前好少去旺角，同熊一起之後間中都會去吓，因為會在旺角睇戲，方便我放工過來，
返屋企又唔會太遠，(其實都好遠)
今次去旺角係因為想同熊睇帽，熊想買帽出SHOW帶。
點知有人個頭好大，一般帽都帶唔落，貴又唔想買。結果當然是食白果啦。

行完一大輪仲要諗食咩好。

好多嘢食，但好多人等。

結果又去星巴克食玉桂卷。

 飲啡。...

 因為留返個肚食肥姐小食店。初初同熊一起到旺角一定食呢個。
最少廿蚊。

大生腸，魷魚，腎，好好食，

不經不覺同熊由冬天過渡到夏天，初初食肥姐的食品是冬天，宜家是夏天。好快又秋來冬去了。
希望我們可以渡過無數的四季。

20120826 - (◍•ᴗ•◍)食凍蟹

8月26日星期日

仲係作打風，打唔成，但個天好紅。

 今日又煮飯，邁向健康生活... :)

炸菜蒸肉片，熊喜歡細件的切法。
由於炸菜浸唔夠時間都好鹹吓呀。

 屋企少食海鮮，因為媽媽嫌煩，但原來凍蟹好好食，好鮮甜又易整，好簡單，但首要條件係啲蟹要夠新鮮。
熊拆埋蟹俾我食，好幸福呢，好好味，鮮甜到咩都唔駛加。
蟹在熊公司附近買的，順寧道街市。

 仲有豆腐魚肉菜湯，可惜魚肉好差，好多粉。

20120825 - ╭。☆Spaghetti Bolognese☆。╮

8月25日星期六

唔駛返工一早同媽媽食壽司。

 但熊未食飯，同佢去食手打烏冬，店名係甘味讚岐手打烏冬。屯門市廣場。

 幾好食呀，呢間沙田都有。滑蛋蟹籽巨型蟹柳讚岐手打烏冬

呢間曲奇幾得意，好多形狀，又有得試食，買了少少俾媽媽食。

 買了個木糠蛋糕一起食，係熊仔來的，特價廿蚊，唔算好好食，不過如果以廿蚊嚟講算好抵食。

 熊晚上整了Spaghetti Bolognese，我好鍾意食，因為我唔食牛肉之後，好耐冇食到Spaghetti Bolognese。
熊整的豬肉版都好香呢。看似簡單，其實熊花了不少心機架。

 飯後果- 西瓜。

20120824 - o(≧ω≦)o傻仔炆雞

8月24日星期五

一早將熊食落肚

 

 又昨打風，不過係打唔成果隻，得個熱字，熱死人，但個天啲顏色就好靚囉。

 又煮飯仔，煮薯仔炆雞翼，要煎一煎先冇咁易爛哂，咁對我嚟講難度好高啦。

 蒜蓉炒小棠菜，炒嘢怕油彈，

 仲有灼蝦，落少少酒.....very good。

 因有薯仔飽飽，就唔煮飯食啦。

20120822 - ◈◈小金井♥◈◈

8月22日星期三

熊公司附近都有幾多好嘢食，價錢又唔貴，

例如小金井，我哋成日幫趁。
有特價刺身拼盤。

 

 天婦羅拉麵，宜家食拉麵動輒要成8,90蚊碗，太貴，呢度仲有五六大蚊碗麵，但質素卻絕不輸蝕。

今次個拉麵有少少辣，但都幾好食。

兩個人食二百元左右，算係咁。

20120820 - ☆★太古城★☆

8月20日星期一

同熊去利東邨的朋友拎啲嘢。

因為由太古城去比較近，熊朋友又要成8,9點之後先放工。

所以去太古城行吓兼食飯。
我呢啲新界人，如果唔係返工要返中環，唔會去香港呢。所以太古城冇咩特別都唔會去。

唔知點解巧多大陸人，成個food court 都係大陸人在身邊。

揀了食烏冬，因想食章魚小丸子，但好難食

 

 小丸子啲粉唔得呢。

 反而買了件香蕉蛋糕第二日食又幾好食。

20120819 - ❤❤又下廚❤❤

8月19 日星期日，又煮嘢食。

上次食過熊煮的絲瓜好好味，好鮮味，平時媽媽係用肉去炒，未食過呢種食法，
所以想學吓整俾媽媽食，

呢個做法好簡單，

絲瓜洗淨去皮，切件，
切碎蒜蓉，放在絲瓜面，
水滾後，隔水蒸5分鐘，
食油煮滾，待絲瓜蒸熟後淋上面。
再加適量麻油和豉油即可食用。

 

仲有冬瓜粒湯飯，天氣熱熱，冬瓜消暑，湯飯亦易入口呢。

加埋琴日煮的。

多啲食自家煮的，對健康好啲。

如果我識煮飯，定會多啲煮俾熊食，因為佢少食屋企飯，唔健康。

20120818 - ★☆再戰蓮香樓☆★

8月18日要返工的星期六

熊來中環接放工

 

我地又去飲茶，再去多次蓮香樓，今次食到臘腸卷。

仲有出名的豬膶燒賣，

蓮香樓好傳統，仲可以用茶杯沖茶，自己搵位，去點心車搶點心，好多中外遊客慕名而來。

價錢亦都唔算貴。

之後再去Holly Brown飲咖啡，咖啡豆好香濃，比起一般coffee shop好飲。

仲食咗件brownie....價錢貴咗啲，但真係幾好食。

之後夜晚煮飯仔。

今次煮了金針雲耳蒸雞。

唔係好夠味...不過好過太鹹

仲有蒸魚...好好食呀。

 

 

20120816 - ♪♬♩♫ 啟德♪♬♩♫

8月16日星期四，

放工前都驚驚地打風。
所以去沙田食飯，快啲飯屋企
食完飯同熊行超市，行行吓八號波啦，

拿拿臨走人啦!


喺百佳了個cushion放在熊的車。好低b。

由於已掛起八號風球，我在火車站坐車返屋企，叫熊唔好送了，熊就在火車站坐263返屯門...

今年幾次掛八號風球我地都一齊呢....真是雨同路呢。

以下是關於颱風啟德的少少資料。

下午本港吹清勁東北風，離岸及高地風勢強烈。香港天文台總部於8月16日下午3時06分至5時26分錄得最低瞬時海平面氣壓999.1百帕斯卡。晚間啟德繼續移近香港，本港普遍吹偏東強風，高地吹烈風，風勢進一步增強，天文台在下午10時15分改發八號東南烈風或暴風信號，當時啟德集結在香港以南約270公里。

20120815 - (◍•ᴗ•◍)Doraemon 誕生前100年祭

8月15日星期三

從報紙上得知海港城有Doraemon 誕生前100年祭，即刻要同熊去吓。

我哋先去citysuper的food court食晚飯，食韓國嘢。

不過不失，韓式炒粉絲。

雞肉石窩飯，

印象中朗豪坊food court的韓國嘢好好食， 呢間就係中間，比起東涌東薈城的好食。

之後即刻去睇叮噹......好多人-__-"

仲多人過聖誕燈飾。

「你睇!! 多啦A夢嚟啦！誕生前100年祭」香港史上最大規模的多啦A夢免費展覽，終於嚟啦！2012年夏，號召大家齊來慶祝多啦A夢100年後的誕生!

多啦A夢誕生於2112年，故此，2012年是多啦A夢誕生前100年，有著特別的意義。因為存在於多啦A夢出生前的100年、在這時空喜歡著多啦A夢的我們，一直響往著有多啦A夢的未來世界。

有一百個叮噹，拎住唔同法寶。

我咁鍾意公仔，影得好開心，不過就辛苦了熊。

鍾意又點，但人太多，好迫，天氣又熱....熱到死了。最後只係影咗少部分就走了。

我會再來影相的。