這是一篇back-dated 的blog
但作為一個球迷2009-2010絕對是值得紀錄的一年。
先寫我的愛隊Chelsea車路士，好多人都不喜歡車路士，我喜歡，是源於當年Jose Mourinho摩連奴執教時，夠臭寸，
勁鍾意佢喺場外時的一舉一動，好型，當年車路士都未買入好多球星，但已經攞到聯賽冠軍，掂。
2009-2010已經冇咗摩連奴，再次失落歐聯，不過專心聯賽，在last day 憑杜奧巴的帽子戲法 (hat-trick)為車路士在2009-2010年的球季寫上完美的句號。
恭喜Chelsea 成為 English Premier League 的盟主。
另一邊箱，Jose Mourinho過檔去了Italy 的 Inter Milan (國際米蘭)，好勁，人腳一般未去到星光熠熠，但竟然可以成為當地聯賽的冠軍，
最重要係好多人恨都恨唔到的歐聯冠軍都攞埋，真係好勁，佢當年執教名不經傳的葡萄牙波圖就拎了歐聯，今年幫國米打低車路士又再攞歐聯，雖然佢打低了車仔我都好傷心，不過又不得不讚佢勁。
恭喜國米(其實是摩連奴)拿了歐聯冠軍。
最後是四年一度的世界杯，真係太鍾意足球，7仔的大口仔儲了一套，有啲運氣，好易就儲到了。
喜歡西班牙同荷蘭同埋意大利，巴西....，意大利太差出局都好傷心。好彩仲有西班牙，喜歡西班牙已經是8年前的事了，當年開始唔喜歡英格蘭，因為我只喜歡英格蘭的Shearer...有Rooney之後就更不喜歡。當年喜歡Raul，而Casillas只是初出茅廬的小伙子，因為正選門將受傷而臨危受命，一直表現好好，可惜因為偏幫東道主之一的南韓而出局，由那一刻開始我憎南韓憎了足足八年，今年先冇咁憎佢哋，而今年Raul 已入唔到國家隊，我上年去過Spain 之後好喜歡Spain，更喜歡Spain。而西班牙呢幾年越來越強，有人甚至說是地上最強，點知第一場就輸了，真係傷透我心。
好彩，最後都拎了冠軍，本來我幾喜歡的荷蘭就變得好討厭，在對巴西一戰時開始好茅，巴西亦因為咁打少一個人而提早離場，到了爭入四強時，西班牙對德國令我好緊張，雖然我不太喜歡德國，不過佢哋其實幾好，整體打得好，戰術得宜，大定家純技術較量，踢得斯文，只是少入球而已，
而到了冠軍戰時荷蘭啲人踢得好粗野，要波唔要人，球證又因為決賽關係，俾牌俾得好少，西班牙球員EQ低啲都可能會出場打少幾個，法定時間90分鐘都不能決勝負，很擔心要12碼，因為西班牙12碼往積其差，No eye see la，幸好最後邪能不勝正，技勝一籌的西班牙最終都拎咗冠軍，哈哈，Spain，you are the Champion!!!!
恭喜恭喜。
上兩年先拎了歐洲國家盃，邊個話唔可以又拎歐國盃又拎世界盃架？
西班牙就威俾你睇。
西班牙的Villa 成為我今世次世界盃最喜歡的人，雖然佢一早已經好有名氣。
有人歡喜有人愁，以前的王子 Raul，我還沒有忘記，佢今年俏俏地離開了Real Madrid，去了德甲的史浩克04，但我沒有忘記Raul的，德甲見。
寫於2010年8月22日1643
