上次食過Pokka Grill 覺得幾特別，所以搵日又去食過，主要有另一個原因係今個月Pokka
coupon係送特別焗田螺，田螺圍滿薯蓉好好食呀！因為我好喜歡食薯蓉,再加埋夾多士，好想食多幾塊麵包呀！
^__^
不過點可以淨食麵包同田螺，因為呢個只係小食咋，點都要食吓其他嘢，上次好想食個鐵板雞扒,點知今次去到見到門口塊扒咁大塊，當場唔多開胃，因為我唔係食肉獸，所以食好大塊扒係要睇心情同胃口，叫咗個明太子煙肉鐵板炒飯，佢即場喺你面前炒，然之前啲嘢已經熟咗，再炒只係令佢更新鮮熱辣，不過我蠢咗，叫佢落埋啲蟹子一齊炒，炒熟哂好似冇咁好食，蟹子都係要生生地至好…成個食唒，見到個底都幾油，所以又肥爆了~
(^oo^)
如果加唔知廿八定三十八蚊就可以轉成餐，有沙律，同餐飲，沙律幾好食，
之後再叫咖啡，呢個要補錢架，熱嘅榛子牛奶咖啡，唔知點解本身已經加咗糖，我飲咖啡唔加糖架．．．．大打折扣囉～>_<
然後再喺沙田周圍行吓，影咗少少相，
最鍾意呢個玫瑰！
沒有留言:
張貼留言