20131228 - 29 - •●◕台灣(1)快閃參加婚禮◕●•

12月28日星期六，



 

旺季出門去台北，因為熊的朋友訂婚，台灣訂婚叫文定，係會擺酒擺下午，
一早坐機去台北，天氣好凍。

 

　　　

佢哋在桃園縣埔心農場舉行儀式，

當日天氣好凍，埔心農場距離桃園唔係太近，當天去到冇嘢做，只係望下個環境，可惜又凍又落雨，想行吓個農場都唔得，再加上好快天黑，農場黑麻麻，我哋出咗去夜市行，中壢夜市，都係食食食，人多食食食都幾開心。

 

第二日婚禮是下午舉行，原來好多儀式，第一次見識到台灣人訂婚都好重要，嘢食冇香港咁隆重，比較撲實一點，由於同熊人的朋友不太熟稔，唔會影好多相。

同香港一樣有回禮小禮物。我哋仲拎咗兩包仔白米。

下午完咗之後，我同熊人就去台中玩，我哋坐高鐵去到台中再坐巴士到酒店，架車去到酒店足足一小時，呢間係近台中公園的Holiday Inn express，可能因為近12月31 日及1月1日，好貴的酒店。但想起幾年前住過台中像鬼屋一樣的酒店真係非常恐懼。呢間起碼舒服同大間。