20130712 - ✉✉迷離夜 +武骨拉麵+糖圓圓✉✉

7月12日星期五，

同熊睇迷離夜，一出廣告已經好想睇。
去睇戲前就先食咗嘢先，熊想食拉麵呢，唔知食咩好，行行吓見到麵屋武藏，好似專食拉麵。又去試吓，
熊自從去完日本之後好喜歡食拉麵，對拉麵要求都不自覺高咗，

出名是黑武骨，白武骨。

 但我地都冇揀叉燒，只揀了豚肉，我點了黑色，即是黑蒜油，熊就點了白色，即是濃湯拉麵。

黑蒜油同博多一幸社爭好遠，唔算太濃，但都OK，豚肉夠薄，糖心蛋都處理得唔錯，半熟咁，唔會太硬，

 但白色就麻麻地，個湯底唔得，完全唔似平日拉麵館食開啲濃厚湯底，似普通湯底咋。

 好彩點了個燒比目魚都唔錯，好食，45元都算幾大件。

之後去睇迷離夜，改編自風靡海峽兩岸、香港著名作家李碧華《夜》系列原著小說，集合本地最強金像班底，台前幕後粒粒巨星，堪稱歷來港產鬼片最鼎盛演員陣容，第一集《迷離夜》將於7月11日上映，而第二集《奇幻夜》則安排在8月8日上映。
三個古仔，唔恐怖的，同見鬼系列爭好遠，見鬼系列真係驚架。呢套其實好地道香港嘢。
三個古仔都喺香港拍，第一個古仔係喺中環拍，第三個古仔就係鵝頸橋打小人，如果想要恐怖片，迷離夜會令人有點失望，但我好喜歡佢係一套100%香港人片，有諷刺政府，談住屋問題，有熟悉的地方，有搞笑，有傳統文化，有IPHONE，不折不扣的香港製造。好睇。

睇完仲想食糖水，終於試了糖圓圓。

木糠雞蛋布甸，蛋味好濃又夠滑，加啲木糠好不錯呢，都幾夾。

 芝麻糊湯丸，原本想食紅豆湯丸，但啲店員冇心裝載聽錯，變成綠豆桂花湯丸，第一次食綠豆湯丸，都可以嘅，桂花就冇咩味