20130717 & 19 - ⊕⊙柏園茶餐廳，山東餃子館⊕⊙

 7月17日星期三。
同熊在公司附近食晚飯，
因為要去中銀過數，所以去另一邊食嘢。
去一間未食過的茶記，叫柏園茶餐廳。
呢間可以食啲越式嘢。
自從熊搬離了屯碼之後，少咗去食越棧。
少咗食越南嘢。
呢間係長沙灣少有的越菜，
其實係茶記。

香茅雞翼凍檬，唔錯，

 有味飯都幾好食，不過蝦丸就一般，

蝦片good~

間中食吓都唔錯呀。

 當日好大雨呀，食完飯同返屋企都好大雨呢。

7月19日星期五

放工都係同熊在長沙灣食。

又係山東餃子館，都幾喜歡食呢間，食餃子之外，仲可以點吓啲小食。
今次點咗個唔係太喜歡食的小食，係酸甜皮蛋豆腐，
皮蛋豆腐，初初想係平日上海嘢食開的皮蛋豆腐，
但呢隻唔同架，皮蛋切成粒粒，
主要覺得個甜酸味同豆腐皮蛋唔多夾。

 水餃好味，一般喜歡食白菜豬肉，同埋西洋菜餃都係好食的。

 蔥油餅，即整，好香，要趁熱食。

 今次因為叫了蔥油餅，唔駛食飯，就冇叫SET，呢間個香酥鴨都幾好食，脆脆的，有陣燻味，又伴啲青瓜清清地