20130708 - ヾ(◍'౪`◍)ﾉﾞ 吐司工坊+好旺角麵家

7月8日 星期一

放工之後同熊去朗豪坊睇鞋，仲未決定訂利時的定係買clarks的鞋好？

行咗一陣子就食嘢，星期一好少人，除了food court之外。
土司工坊唔駛等位，個價錢又公道又好食，

拉茶，馬拉拉茶超級甜，所以一定要叫少甜，
少甜就好正，茶味好濃，我最like。

必食喇沙，冇失手。椰汁味夠濃，又辣辣地，

惹味，不過啲配料就一般。豆腐卜最正，吸哂啲湯。

另外點多個咖央多士，係好好食嘅，都幾多咖央，不過好細件，食完之後想再食嘢。 

行完一大輪之後都係想買clarks的，不過已經行咗去火車站方向，所以冇返轉頭買啦。

反而去食多碗雲吞麵好過，洗衣街的好旺角麵家，27蚊一個麵竟然好細碗，好少麵，但味道唔錯，個湯底都幾好，麵又幾彈牙，雲吞都有四粒嘅，好似好出名同老未號，唔怪之得咁貴啦。

之前已經食咗土司工坊的喇沙，再加埋碟油菜，好飽。