20130706 - ♠♤好時沙嗲+ 赤莓の動心 cake little♤♠

7月6日星期六

昨晚想食好時沙嗲，但八點幾九點去到都等好耐，於是今日放工同熊去食。
行咗一陣ISQUARE，先再去，已經接近三點了，因此冇咩人，唔駛等位，
食了海南雞飯。雞幾滑，個湯都唔錯。

雞的份量都唔少呢。皮光肉滑，再配油飯。 

另外再叫多個飯係咩都有，有腸仔，有蝦有雞。

都OK好食。

最重要係價錢幾平。

之後入沙田行一陣，但冇熊想睇的鞋，期間仲忽然好大雨呢，好彩已經到了室內。

今日成家人齊食，我地又去POKKA，但要六點前好去等位，因為好爆架，佢地個個都食牛扒，我只可以食鰻魚炒飯，但都唔錯。

連個熱板一齊上，鰻魚都幾大塊。 

食完飯之後無端端有蛋糕呢，好驚喜呀，無諗過在街外食飯都會有蛋糕呢，

哥哥特登請我食飯已經好開心啦，而且媽媽一早已買了蛋糕俾我啦，真係喜出望外。

係哥哥買的東海堂新CAKE，赤莓の動心 cake little，流心雜莓蛋糕，造型好可愛，初初拎出嚟時以為係壽桃呀。哈哈。

好驚喜。

 一切開見到好流心，流咗好多雜莓汁，雜莓慕思好軟滑，

中間夾住層海綿蛋糕唔太漏，可惜係鮮果果肉太少。

但OVERALL都OK，起碼好過美心個彩虹蛋糕多多聲。

食完都仲好早咋，走的時候見到好靚的晚霞，可惜只用手機影得唔太好。