20130721 - ♡❤塘福摸蜆記❤♡

7月21日星期日，

熊星期一生日，同熊去塘福渡假，順便摸蜆。
之前我想摸蜆但因天氣同時間問題摸唔到，熊提議不如呢兩日，因為近潮退至得，

坐船入梅窩，忽然好好天，明明話落雨架，
因為入去要等一粒鐘船而嘈咗兩句交。
好彩坐船時見到好天氣就怒氣全消了。

 

 BOOK 了塘福渡假屋，
第一次入梅窩咋，熊生日都要佢操心呢。

渡假屋影出去的景色。好舒服。

 坐巴士入去時，好多一家大細在貝澳同長沙落車去掘蜆，所以我哋索性近近地去塘福沙灘度掘蜆。

嘻嘻，好好天。

 但唔係容易，岸邊冇咩蜆，要落水至有，最慘兩點幾係最低點，四點幾開始水漲少少，水比較深同大浪，又要睇住啲財物，所以唔可以兩個都落水，
最後，呢個重任就交比熊啦。
我只係好彩掘到一隻SIZE中的蜆。
其他都是熊出手。

 呢隻係沙白，唔同架，沙白係特別白，同埋唔係太好味。好刃。

 好好天，後來只有熊落水，我坐在岸邊望望天，

 5點幾越來越大浪，所以走了，回渡假屋洗頭沖涼再出去行一陣。
塘福好清靜，好少食店，好彩熊帶了食材去煮飯，如果唔係真係冇咩地方食嘢。

 用啲蜆肉，再加蕃茄醬整通粉，好味，都好飽啦。

 十二點諗住拎個蛋糕出來，點知我又唔小心打爛咗個水杯，好彩冇整親，
我成日都好論盡。 -__-"

文華的OPERA，早幾日訂的，

祝熊生日快樂，日日都咁開心。