20130701 - ♡❤Mijas Spanish Restaurant❤ ♡

7月1日星期一，
去完睇浪之後，就去了赤柱，天陰陰，但唔係好大風，唔算好大浪。

閒逛了一陣，好好彩冇咩雨。
之後就去美利樓一樓的西班牙餐廳食飯，呢度前身也是同一個集團的西班牙餐廳叫ED -CID，現在換了新名字都是同一個集團的，叫Mijas， Mijas是一個西班牙南部小鎮的名字，那裏幾乎每一幢樓房，以至每一堵牆壁都是白色的，因而素有「白色山城」之稱。

雨褸熊都一起吃。( ^3^)

點了食物之後就有餐包，三款唔同的包，只食了兩個，因為怕好快就會好飽，麵包都唔錯。

 點了不少Tapas，其中一個是Spanish Meat Platter，好多種唔同的肉，好好味有ham ，有黑毛豬，也有choriso，切得好薄，一次過食唔同的ham好正

另外點了魷魚，好好食，不過好少呢，但個味好特別。

蛋餅也是西班牙菜特色之一，於是點了Spanish Bacalao Tortilla 傳統西班牙式馬介休奄列。
西班牙奄列tortilla，圓圓的，是煎蛋皮包上薯仔，跟我們在英國食的很不同，應該不是最正宗的tortilla。尤幸蛋皮雖薄薄又沒有蛋味，配上馬介休，鹹鹹地又有咬口，同啲薯仔都幾配合。

西班牙菜當然唔少得sangria~呢度的sangria有紅酒及volka，酒精成份都幾高吓，飲一杯都有少少上腦的感覺。

水果都幾多，而且有幾種水果。

當然唔少得西班牙海鮮飯啦，呢個係二人份量，有傳統的材料，經理推介我們配西班牙深海紅蝦，多紅蝦兩隻貴百多元。
但個紅蝦真係好少見，亦好好食，肉質爽口鮮甜，而西班牙少飯亦有帶子，青口，豆等，都幾足料，飯焦唔多，好啱我食。

其實未上飯之前都食咗唔少嘢，不過呢個飯好好食，點都要食哂佢。

夜晚會有人唱LIVE，係去每一枱度唱一首歌，熊特登點了首歌俾我，就係Eternal Flame~當時真係太感動了。覺得自己好幸福。
所以又好冇用咁喊出來。

好多謝熊俾咗一個好開心好開心的pre bday dinner 我呀。