20130802 - (◍•ᴗ•◍)源興正宗潮洲打冷

 8月2日星期五

打風不成三日雨。有個風，不過只係三號風球，但有風有雨。

放工都係同熊在熊公司附近食，因為我聽日要返工。

熊問我食咩，一係拉麵一係打冷。係同熊一起先會食打冷，屋企人少食凍野。女仔朋友一般喜歡食意粉之類。同熊第一日拍拖的晚上係去咗西環食打冷。

成個長沙灣得一間打冷咋，叫源興，可能因為星期五，要等位，有啲就開張枱喺條街度食，天氣咁熱唔好啦，等等吓仲落雨，最後等咗兩三個字左右啦。

 

 

食鹵水鵝，有豆腐喺底，好味，

仲有大腸，呢啲都係平日少食嘅，但膽固醇高的無益食物。

再加一窩蠔仔粥，蠔仔都唔少，而且都算肥美。每人都有兩碗粥，

又粥又肉飽哂。間中食一餐真係唔錯架。

走嘅時候落好大雨，熊估計打風夜晚會大雨，所以好體貼咁揸咗車，泊喺街，但行幾步路都濕哂。

後記，食完上open rice 睇同埋見到店內的海報至知，呢間最出名係元朗烏頭，好似上過雜誌，下次一定要同熊試吓。