20130803 -✿｡◕‿◕｡✿Gooday Cafe

8月3日星期六

同中同的生日飯。

就我今日要返工，lunch在中環食，揀咗間叫Gooday Cafe，樓上Cafe,OR好似好多好評，又話成日爆，有人包場等。

朋友Book的時候話有間房仔，坐六人，我地四個，三點有人book先，到時可能坐返出面，去到時又改左口，叫我地四個坐埋一邊，間房仔坐七人，但根本坐唔到七個，我地四個點坐一排？坐大脾，朋友話咁三點鐘時我哋坐出去，又話出面有人包場，想點，後來我地冇理佢。

座位問題唔得，食物還可以，但唔係OR啲人講到咁好，呢度出名係洛神花包同洛神花茶。set lunch有粟米湯加洛神花包，包好細件，中間有好細舊的淡芝士，軟軟地，暖暖地，幾好。粟米湯幾濃，尤其cream幾多。一上桌時三個碗仔唔同色，有驚喜

 

 

個Menu寫到好多野食，一上碟就見全部細細碟。蕃茄一小件，沙律，同埋好似薯蓉嘅，份量極小。女仔食都可以。上枱時，餐具好吸引，心型碟，好開心，但所有野都普普通通。似薯蓉的，唔好食，沙律普通，個海鮮意粉都可以，但又係好重cream味。好漏。

 

原本考慮緊加唔加錢轉特別甜點，落單時已講明，唔好上甜點住，但上餐時成set上哂。

個甜品好似係洛神花奶凍，但唔好食，好怪。

呢間在or係過譽，好評可能係打手，講真味道好一般，唯一可取只是餐具而已。