20130808 - ╭❤╯生活中小小驚喜╰❤╮

8月8日 星期四

放工同熊在熊公司附近食飯，

食鍋貼，呢間好似叫莉苑，啲嘢唔貴，最正係有豆腐花

 

 平日都會點鍋貼，今日的鍋貼差咗，因為整耐咗，平日一咬會有汁，今日冇，應該係整好之後放耐咗。

仲點了鹵水雞翼擔擔麵。得兩隻雞翼咋，當然點了豆腐花，不過好似唔多夠食，

於是再點多個韮菜水餃，係放湯的，由於今日鍋貼失準，所以水餃好食得多，鍋貼11蚊5隻，水餃就17蚊六隻，貴好多。

 



豆腐花我只係糖水，最憎黃糖一粒粒好似食沙咁，熊其實都喜歡黃糖，不過怕咗我都冇食黃糖。

 之後經過書報攤，熊話有嘢啱我，我就奇怪啦，我唔買雜誌架，咩事呢，原來PCM送line貼紙，好開心，開心唔止係張貼紙，而係咁少事都記得同留意到呢。