20130816 - ◈◈蒸魚餐◈◈

8月16日星期五。
放工時熊想去旺角睇戲，想睇Pacific Rim，但已經做咗成個月，好多地方都冇得做，有都係得一場半場，
咁睇吓有冇其他戲睇，不過星期五晚上，想買一張即埸戲飛，談何容易，結果係冇得睇。
都冇咩所謂，問吓熊睇唔睇波鞋或者衫，熊又話唔駛。
咁唔知有咩好行，行行吓去了火車站方向。
見到有間茶記有得食海南雞飯同魚露雞飯。
入去食，不過佢哋介紹咗二人餐，有蒸魚，好呀。
就蒸魚餐。

 

二人餐包小炒皇或蒸肉餅，揀了小炒皇，韮菜花炒芽菜仔魷魚蝦乾等，好惹味，好食，仲辣辣地。

每人一碗例湯，好鹹呢，但都飲哂。仲有每人一個靚仔。

魚係盲曹，幾好食呀，啖啖肉，我最喜歡。

包一碟油菜，但漏咗上，最後last 催佢至上。菜好甜。 good。
餐冇嘢飲，額外叫杯凍檸茶可以平少少只收九元。
唔錯。

食完哂之後行一陣花園街至返屋企，我又唔係想買衫，反而想買啲精品，要買個鏡放手袋，
買到，仲買了一個line 的汽車裝飾，不過一睇就知係老翻，算係老翻得幾靚。