20130809 - ♠♤SR Gallery Cafe♤♠

八月九日星期五

放工同同事一起去探一個剛剛生B的舊同事，舊同事好精神，老虎都可以打死幾隻，地點係香港的法國醫院，我地四個人冇咩人知點去，因為個個都係全九龍同新界，甚至唔知法國即是聖保祿。原來由銅鑼灣行過去係非常之近嘅。

探完之後有個同事走先，得番三個，本來想去平日成日去開的inside out，可能因為星期六，所以排長龍，於是去了附近的SR Gallery Cafe，

本身係畫廊，因為之前搬遷，地方大了，於是做埋餐廳。星期五晚仲有位，因為價錢唔平，四道菜或五道菜的set由438-588不等。因為係以私房菜形式，價錢幾貴，環境就幾好，窗口位為主，地方比較闊。我地點了兩個set ,四道菜，四度菜有湯，main course，頭盤／小食／甜品任選兩個，我地點一個小食，兩個沙律同一個甜品。

 

蟹肉牛油果沙律好食，幾香同埋菜都新鮮，另外是Parma ham Cesar salad, 都唔錯，另一款小食是意式白酒炒煮蜆，蜆肉幾肥同新鮮，不過以上幾款都份量好少。

之後先上麵包餐湯。雖然點兩個set，但佢地都好貼心地上三碗湯三個餐包。餐包係芝麻包，真係勁香芝麻味。個湯係磨菇湯，好香磨菇味又唔會過份濃烈。

 

Main course點了扒美國極黑豬扒配燒薯及時菜配牛肝菌肉汁同埋香煎三文魚配黑欖醬。

黑豬扒整得好食，外面煎到少少硬。內裡都唔刃。配菜是薯仔紅蘿蔔等。紅蘿蔔好甜，薯仔係一片片，好過薯條或薯蓉。

三文魚唔腥。都幾好食。配薯蓉就唔夠薯仔咁好食。

最後是甜品。店員推介的，好食因為吉士好香，酥皮又鬆化。最後飲品照俾夠三杯我哋，幾貼心。

但真係偏貴。每人要280蚊。

 

影吓啲畫，又係貴嘢，全部都要過萬一件。