20130831 - ◈◈食食食◈◈

 8月31日星期六，

放工入屯門找熊。同熊食日本嘢，一個SET有冷麵同埋壽司，都算抵食，不過冷麵麻麻，麵質唔夠幼，似油麵。

 另外仲有壽司，都OK，好似$5X都算抵食。

另外點咗個鰻魚飯，幾好食，鰻魚夠多，鰻魚汁都夠多。



之後瞓一陣晏覺，就去食晚餐，去翡翠潮人潮食，以為佢係只食潮州嘢，原來仲有星加坡嘢，因為係翡翠拉麵小籠包的集團。

點了兩樣咋，包括方魚肉碎蠔仔粥，不過麻麻地，竟然有啲腥，同埋比較稀。

另外點了鵝片三拼，有一味鵝片，另外兩樣自選，118元，如果點鹵水三拼就88元，不過唔包鵝片，我哋點了大腸同埋豬脷，少食豬脷。
鵝片唔似平日食開咁薄，不過好鬆化，好少食到咁好食，而且有豆腐墊底，都好好食。

之後同熊去了大連排道的樂人地帶睇BAND SHOW，好激的BAND，好憤怒呢，好大聲架，熊都頂唔住，未睇完都走了。

之後去了福來村食甜品。

淺草甜品手藝，

有綠茶心太軟。都幾好食，綠茶味都幾好，唔會太甜，不過配雲尼拿雪糕不太夾。唔知配咩雪糕至夾。

我哋一人一個心太軟。熊係朱古力。雖然皮唔算太脆，不過好多朱古力漿，好流心。