20131016 - ♠♤譚仔雲南米線♤♠

10月16日星期三。

熊就快搬OFFICE。長沙灣好多平民但又好食的小食，淨係高質素的茶記都有幾間，

反而女仔好喜歡食的米線我在長沙灣區又唔係成日食。

臨別秋波，把握機會食譚仔雲南米線。

我哋通常會SHARE食兩樣嘢。

(1) 過橋米線，包括有魚蛋、牛丸、墨丸、竹笙、牛肉、雞肉、豬肉、腩肉、火腿、炸醬、酸菜、

豬膶、芽菜、韭菜、腐皮、生菜和豆卜，整碗餸多麵底比較少。

我哋通常走牛，由於啲餸每款最少有兩件，所以食哂都夠哂兩個人食。配埋個惹味的炸醬(分開上)，少少辣，好味，如果湯底唔揀辣就會係魚湯底。

另一樣必食的是叫土匪雞翼， 佢有種特別香料醃製，係一種好特別的芝麻，有少少辣味，好惹味，而且皮脆雞肉嫩， 炸過但都保持到肉汁，而且內外都好入味。

我哋好多時會加杯凍檸茶或菜蜜，都整得唔錯。