20131005 - ♪♬♩♫ 白田邨♪♬♩♫

十月五日星期六

要番工，一早約好了放工同熊去白田邨行下。

不過未去行之前，熊過來接我放工順便搵食。

今次想食老金煎餅，我去北京都未食過架。

即叫即整，一定新鮮好食。

我哋點了烤鴨煎餅，材料有

1)脆餅：雖然份量少，只有一塊，不過可以令到成個煎餅少少脆同有咬口。

2) 甜麵醬：甜甜地好食，不過醬只是刷了薄薄一層，如果多啲就好了。3

) 煎餅皮：只是普通麵粉皮，外加一個雞蛋。

4) 其他 配料：蔥花、芝麻和香菜都 okay

之後仲去了食越式法包，但因為之前食了煎餅，只點一個SET SHARE，但佢話在店內食要有最低消費每人60，即是要一人一個SET，點食到咁多，望望店內，可能星期六關係，其實得好少人。真係趕客，但我哋最後都點了辣魚法包，出街食囉，

之後就係尋根之旅。

白田邨係我由幾個月大住到中二的地方。

即是話成個童年我都在白田邨渡過。帶熊返白田邨睇吓我細細個時的地方，另有一番意義。

一開始由石硤尾地鐵站出去，經過我間中學，再行去白田購物中心，一個以前讀小學中學時成日流漣的地方，其實好細個街坊商場。見到有本廿幾年前的記事部，同我細細個時見到的一樣，即刻買了一本，穿過白田購物中心，就見到白田邨的一二三座。

白田邨的一二三座有平台，圖書館，社區會堂，以前仲有小童群益會，有啲空地俾我地打羽毛球，暑假時成日係到玩，同啲同學仔，追追逐逐，嘻嘻哈哈又一天，不過一二三座同十二座好快拆，開始唔少住戶搬出，有啲人去留空的感覺。

由一二三座再上樓梯就見到9,10,11,12,13座。我以前係住11座呢。第九座同第十二座的茶餐廳仲喺度，好懷念，最衰食咗嘢，如果唔係同熊坐低飲下奶茶。

呢間小學係的母校，成個白田邨原本有三間小學，只拆剩一間，宜家仲加建了一幢，後面仲有個球場。

白田邨在八十年代有部份因為鹹水樓而拆了再重建，由於當時舊機場仍然在九龍城，呢區係飛機航道區，所以重建的樓都只有十幾層，後來七八座，四五六座相繼拆卸，但已經是二千年左右的事了，所以再重建的有部分樓宇有三四層樓高，有好大對比呢。

應該差不多有十年冇返白田，好有感覺，好感動的是今次身邊多了一個熊。