20131005-6 ✿｡◕‿◕｡✿飲食

星期六去完白田之後，熊在屋企煮咗豬手俾我食，因為本身豬手已有味，而熊都未煮過，所以係新嘗試，未加汁之前，加啲紅蘿蔔食都幾好食，不過熊煮咗好耐啦。辛苦了。

隻豬手好大隻，好大舊骨。不過熊會起咗啲肉，加啲汁同芥辣就好好食了。

星期日一早食媽媽包的菜肉水餃，呢個係媽媽尋日包的，以前十一二歲時媽媽包水餃我可以食廿幾隻架，宜家怕肥唔會一次過食太多，食九隻就算啦。
以前媽媽用雲吞皮，會薄啲，冇咁飽。宜家用水餃皮，最喜歡係好多菜，好清新。