20131011 -(◍•ᴗ•◍)別府

十月十一日星期五

聽日唔駛返工。約左個近來又返中環返工的朋友食lunch,冇見一排，我地多數在jardine House的Starbucks 食，平得嚟又可以傾吓計。前一排我自己買野食時多數食Benedict egg tart。經佢介紹先知有個新的蛋餅幾好食，洋蔥煙肉蛋餅。好味呀。

夜晚同熊hea hea ， 去了別府食，好耐冇去過別府，之前去過旺角同青衣城的別府，不過已經是五年前的事了。

讀u時學校附近有一間別府，只有一間，當時食地獄拉麵為最出名。

所以都試下地獄拉麵，只是近年香港越來越多高質素的拉麵，宜家再食別府的拉麵覺得湯底同麵質好一般，不過個叉燒都唔錯，算時入口即溶。

另外點了芥辣雞翼餃子，一心想食下wasabi,不過wasabi味不夠，雞翼餃子是雞翼釀了肉，好似餃子咁，都整得唔錯。

另外點了墨魚咀，豆腐，豆腐好食，熱辣辣有木魚，中間仲有蟹子。好食。

點好多熱氣野，熊唔多夠飽，於是點壽司，因為有折。三文魚吞拿魚咁，質素唔錯，魚生新鮮又夠厚。正。