20130620 - ☼ ☼好熱跑步 ☼ ☼

 

6 月20日星期四。

自從4月15日跑步之後，
冇跑過啦。成個5月份都落雨，5月9日有飯後散步。
到了5月中下旬又無端端左邊腳趾公痛。
痛到好多鞋都著唔到。仲跑鬼跑馬咩。

好彩六月時腳趾公又唔痛，但見差不多去旅行又唔想跑傷隻腳。
結果足足兩個月冇跑過啦。
宜家又再跑番，正正炎炎夏天，真係熱死人。
唔知自己可以跑到幾多。盡力就算啦。
由於天氣好熱，要準備毛巾，熱嘅時候可以吸汗，
或應該濕咗條毛巾降降溫。

由於太耐冇跑。
對腳唔聽話，跑跑吓唔係呢邊腳痛就係嗰邊腳痛，
咁都不特止，再加上好熱好熱，
熱到冇咩耐力。
最後只跑了十個圈，比起冬天時跑十七個圈真係好差。
但係流嘅汗就多好多。

由於兩個幾月冇跑。
啲肌肉好差。跑完第二日好痛，有少少似第一次跑步咁痛。