•●✿2013 京阪(16) - 暴飲暴食之蟹道樂✿●•

6月10日星期一。

日本京阪之旅脫期很厲害，因為好忙，而且又好懶，寫遊記要花好多精神，

上次講到去完即食麵發明紀念館，已經兩點幾三點，我哋坐火車到梅田，因為熊想去梅田睇吓結他。

咁我都想去大阪梅田 Yodobashi umeda 買豐天商店的美豚衫，同埋LINE公仔。
所以行吓梅田，

個站好大，附近連接唔同的鐵路，又有地下鐵的御堂筋線。附近勁多唔同的百貨公司。
仲有個摩天輪呢，夜晚嚟應該會幾靚。

 

 未去買嘢之前，絕對要食嘢，因為食完早餐就未食過嘢，成日肚餓的熊點忍到呢。
無意中喺個站附近啲食店試咗一間食咖哩飯的。
本身係BAR嘅格局，所以係BAR枱。

 呢個咖哩飯厲害啦，食完之後熊愛上了日本咖哩，

炸蝦咖哩飯，加了TOPPINGS 係茄子，好好食呢，因為啲咖哩有辣味又有甜味，唔會過甜，好好食。
同埋日本食物真係好有心，佢地個賣相好似啲模型咁標準，對外觀非常講究。

 特登影低個Menu睇吓日文同英文，希望去到第二間食都知係咩。

 

呢間叫Masara~

 

 

 去到Yodobashi umeda，直上六樓搵豐天商店，因為香港宜家好少地方有美豚衫賣，所以好開心，仲要好平，2000円一件，即是百六蚊唔駛，香港一田賣成三百蚊一件呀。
百貨公司其他衫唔減價都幾貴， 但都幾靚，本來想同熊睇吓衫，但仲要陪熊睇結他，冇咩時間。

 大阪梅田 Yodobashi umeda 仲有LINE 公仔賣，原本都唔知架，係因為在京都都有 Yodobashi umeda ，即是京都塔個位，有次去借廁所路過見到，於是決定去大阪買豐天商店美豚衫時可以買，
買咗兩個BROWN返屋企，好後悔冇買埋蜜蜂仔呀。
710円唔貴呀。

 同熊睇結他，不知不覺又行咗好多路。
行到攰就食CAKE，食咗兩樣嘢，三色蛋卷，同綠茶紅豆MOUSSE CAKE~

 好好食。
啲綠茶味好令人難忘。

 三件蛋卷都好正，朱古力都好RICH，只是中間的就比較普通。

 食完再抖一陣，好滿足咁坐地鐵番去難波。
今次好似喺心齋橋度行。
終於見到大阪的地標之一。
Glico 燈牌。

 好旺，好多人流。

 回酒店放低少少嘢就再去食過。

試咗蟹道樂的蟹宴，在心齋橋，道頓堀一帶有幾間蟹道樂，知道有好多遊客食。
專做遊客生意，初初入到門口都冇咩好感，因為似酒樓咁。點知一上到去就知原來唔係我諗到咁差。
原來係日式，坐都係傳統日式，一蟹多種食法。

靚靚筷子座

 一定用綠茶招呼。

 第一味，蟹鉗。鮮甜好味。

 第二味刺身。香港少啲食刺身。另外亦有舊蟹肉係俾火灸過個面的。

 呢個係我地extra點的燒蟹，因為香港好少食燒蟹。

 第三味係蟹蒸蛋，好滑呀。

 第四味係芝士焗蟹。

 第五味係天婦羅。

 第六味係蟹湯，不過好鹹呢。

 第七味係蟹壽司。

 我哋今次食呢個叫流水，係季節限定，兩個人share一個都夠飽，4800円都唔算貴，因為有好多set仲貴。

 第八最後的甜品是綠茶雪糕，我唔係好喜歡雪糕，但嚟到日本見到綠茶雪糕唔捨得唔食呢。

 蟹道樂係一定要食吓，可以體會到蟹係有好多種唔同食法，絕對係highly recommended~
之後再行吓，不過好多好快就收舖。

返酒店再食埋喺梅田站買的甜品，由於都好飽吓，所以只食了一件。