•●✿2013 京阪(17) - 黑門市場✿●•

6月11日星期二。

很快就到了京阪最後一天了，
其實是6月12日回程，只是因為早機，即是零行程了。
所以今天就是最後一天了。
今日係行黑門市場，咁近酒店，步行過去就可以啦，
行兩個字左右。
難波站尾端的出口走路1分鐘就到了黑門市場。黑門市場與道頓掘非常接近，只差一個路口。

 日本的街市好整齊同埋乾淨啦。
一早咩都未食架。在便利店只食了個果凍。
因為一心打算到黑門市場掃掃。

 來到黑門市場，會聽到好多廣東話，因為超級多香港人，仲要大部份都係掃魚生，即買即場食，
香港人真係好為食。
我哋當然是其中一員啦。
早餐....大阪燒，
嚟到大阪未食過一定要食吓。
800円，阿叔剛剛開店，即刻燒，

好味，唔算太多肉，多菜，有海鮮，加咗個汁同埋木魚，新鮮好好食。

 之後就周圍睇吓，好多海鮮

 呢個好似係豬肉燒賣，成個拳頭咁大個，我哋見新鮮滾熱辣，好吸引，難得我哋只買一個佢哋都好好態度，日本人好服務可見一斑。

 好多魚賣，

 仲有生果，要行多幾檔先好買，因為街頭同街尾價錢都唔同，買當地出產的水果，價錢尚算可以接受。

 其中一檔魚生好多好多香港人幫趁，因為好多新鮮魚生同海膽，仲有幾張枱，可以即場食，最重要係價錢唔貴，一百幾十已經大大盒。

 香港人咁喜歡食魚生，點會唔食。

 我同熊偏偏又唔太喜歡大塊大塊魚生放落口。
只揀咗帶子，真係超級好食。

 最後仲買咗蟹脚今晚番酒店慢慢嘆，因為太平啦，480円，好難抗拒吧。

 番酒店放低蟹腳之後，
行番去道頓堀一帶食lunch，好好天。

 熊念念不忘咖哩飯，去是旦一間食，有coupon，好似600円左右，不過麻麻地，唔係差，只係比起之前一日食過的爭好遠，比較鹹。