20130615 - ♪♬♩♫迷離莊園♪♬♩♫

六月十五日星期六

因為迪迪尼呢兩個月可以免費帶一個賓客入場，所以約好帶哥哥阿嫂入場，姪仔買兒童票。

點知當日好大雨，仲要姪仔朝早去interview，成兩點至去到，姪仔應該有兩年冇去過迪迪尼啦，反斗奇兵，灰熊山谷都未玩過。

 媽媽極力推介玩灰熊山谷，仲買咗雨衣玩，結果哥哥陪佢玩一次，我陪佢玩一次，媽媽又陪佢玩一次，之後停雨。再去玩迷離莊園，迷離莊園我都未玩過呢，好期待，唔算等好耐，有啲似winnie the pooh,不過黑好多，間中有3D畫睇啡，有啲似3D劇。幾正。不過細路仔可能會驚。

 之後就去玩降落傘，叫佢地兩父子排單人乘客，如果唔係起碼等九個字。

 我地就影相。去親反斗奇兵大本營都好開心，因為好多顏色，好似玩具，反斗奇兵仲開咗間新shop。

 仲有薯仔先生都係新的。

 玩完都過咗巡遊，成四點了，去食tea。原來有high tea set，一人點了一個set 先知。

 食完就買野。我買了行李帶，幾靚。之後又續會，因為用舊價之餘，仲送多三個月，我宜家去到15年4月啦。

五點左右熊特登來迪迪尼接我，之後成家人仲同爸爸慶祝父親節。去pokka 食晚飯。我食了日式海鮮意粉，仲有藍山咖啡飲。一家人好開心。但熊就做🐦司機。慘慘。