•●✿2013 京阪(14) - 食兩次早餐 ^__^✿●•

6月11日星期一。

酒店唔包早餐的，所以一早出去搵食，
大阪咁多嘢食都唔怕啦。

 

順便影吓相。

 點知十一點前的道頓堀，冇咩嘢食架。
間間都未開。
同埋冇咩地方係食早餐，好多都係拉麵之類。
好飽咁。

 於是去咗間嘆咖啡的。
叫珈琲@青山。

 似英式high tea 咁。
點了兩個set，一個食cake 一個食pancake。
成二千円，好貴。
但睇啲杯碟好講究。

呢個似係千層cake。
幾好食。

 第一次見啲糖又有白糖又有黃糖mix 埋一齊。

 咖啡一般咋。

 熱香餅都是好普通。

 環境一流，好多公公婆婆喺度hea同傾計，好有錢喎。

 食咁少嘢，熊呢位大胃王又點會夠皮，於是特登行番地鐵難波站附近食拉麵。
我哋當日由京都到大阪果一刻一出地鐵站見到有間食拉麵係企喺度食，覺得好有feel。
於是特登番去食。
點知....去到至知原來又係金龍......ohohoh~
照食啦，
配菜任食。

 叉燒的擺放一絲不苟。
味道只是ok啦。
叉燒唔錯。

 食完就出發去即食麵發明紀念館，

點去呢？都幾遠架
地下鐵御堂筋線　なんば駅-----> 梅田駅
梅田站即是大阪JR 站，轉乘阪急宝塚線 --->池田站，只是270円，唔貴呢，因為都幾遠吓。


呢架又係唔同種類的火車，唔錯唔錯。

 好似好新咁。

 唔太多人，有位坐。

係急行線，所以得幾個站，冇好好數站同認日文，
結果坐多一個站，要坐番倒頭車呢，好彩即刻catch到。
坐多咗個站係全個旅程唯一坐錯車。