今日爸爸生日打邊爐，因為想去楊屋道街市買海鮮，所以揸車去，媽咪又想去荃灣買茶葉，所以我同熊人同埋媽咪一齊去綠楊坊。
而BB因為仲病緊，唔想佢同圍去，所以冇帶佢去。
我哋先去綠楊坊英記，之後去咗北海道牧場餐廳食嘢，其實同香港啲茶餐廳嘢食差不多，冇咩特別，我點的蕃茄濃湯雪菜魚蛋米粉薑味好重。我就麻麻地喜歡。
之後行咗一陣，有間美樂士多，好多懷舊嘢。
好喜歡呢個。
仲有水壺。
之後熊去街市買了鮑魚仔，蝦，但我病咗都冇乜點食。
夜啲同BB表哥玩玩，玩玩吓孭完BB孭表哥，點知BB豬一見我孭表哥就好嬲，之後唔知回解表哥又扭阿嫂抱，最後搞到又喊又魚口魚面咁。
夜啲回家忽然喪咳，咳得好辛苦，最後食咗粒氣管藥就好啲。
沒有留言:
張貼留言