20180101 - •●❤沙田新城市空中花園❤●•

1月1日星期一
每年聖誕沙田新城市廣場7樓的空中花園都整得好靚，戶外有好多燈燈，同熊人拍拖之後又係差不多年年都有去，上年BB只係兩個幾月都有去睇呢。
本來係打算琴日去的，不過因為熊人兩位朋友五點左右上來坐，之後出咗門口已經成八點，去到宜家食埋嘢都九點半，BB應該係回程食奶時間，所以冇睇到。
今日睇返，三點同BB出去新城市，行咗一陣就去咗Super Sandwich食嘢，好好彩有位，bb都幾合作，又食焗薯又飲湯。
之後同佢出去近大會堂附近行一陣。因為今日天氣幾好，唔太凍，bb可以喺戶外行都唔怕。
到黃昏時間就上7樓。

今年係粉紅花園，環泡星願。以Millennial Pink顏色為設計主軸，而且還設置7大粉光漫天醉人仙境。包括：「嫩粉花牆迷宮」、「彩虹旋轉摩天輪」、「圓滿彩雲橋」、「星光泡泡許願泉」、「夢幻迴旋熱氣球」、「光影搖搖板」及「氹氹轉自主音樂盒」。每個拍照位都令我心心眼中！好童話！好夢幻呀！完全感受到一片粉紅色的浪漫呀！

其實係我好鍾意，BB就咩都冇所謂，最緊要多人同埋有燈燈。
不過因為都幾多人，所以唔俾佢地地。多數都係抱。
佢琴日唔肯瞓，可能知道係除夕夜知道得媽咪一個，想陪媽咪？
一點先瞓，今日十一點起身，唔同佢瞓晏覺，因為佢都唔肯瞓架啦。
所以黃昏其實都攰攰。有時都伏在我身上。
上年仲用包被包住，今年成個小童咁。

搵人同我哋合照，好溫馨。

之後去姑姐屋企附近拎對新波鞋，新年著新鞋，回程終於豬了。
不過去到婆婆度又起身唔瞓啦。
食大家樂焗豬扒飯，之後我沖埋涼先返屋企，佢喺公公婆婆屋企都幾開心，起碼我唔會去個廁所都喊，可以休息吓同早啲沖涼。