20180114 - •●❀落羽松@青衣公園 ❀●•

1月14日星期日
BB 六七點醒了就唔瞓啦，好難頂呢，我同熊佢搏鬥咗好耐，都係出車行吓，BB喺車度瞓咗一陣先起身，真係3幾個字咋，

今日去青衣公園行行，青衣公園內的人工湖和庭園是採用歐陸式設計，人工湖旁邊種植了十數棵落羽松和水杉。每逢冬季一月，樹葉顏色便會漸漸變成金黃色和橙色。日落時份再加上湖面的反射，整個人工湖便會變得金光閃閃，非常耀眼悅目。人工湖旁也有草地可供大家一邊野餐一邊欣賞。

今日天氣好好，天氣開始回暖，天色仲好靚好藍，襯托起黃橙紅色的落羽松真係好靚。
落羽松開始稀疏，可能都落了不少在地上。


2016 年年初未有BB到呢度幾次都唔見有咁靚天色呢。不過可惜的是唔知點解個人工湖俾人抽乾水，真係冇咁靚，如果有埋個湖，感覺似去咗加拿大。同BB喺湖對面影相，佢又唔多識欣賞，只是到此一遊，當然，我同熊兩個同BB輪流合照。

當日仲有啲雀仔，BB好有興趣呢，成日都想追鳥鳥，



佢又指住啲鳥鳥，又想追，好開心。而啲鳥可能見慣人，都唔係好怕人，行到好近先飛走架。

入到公園內仲有啲小橋都好靚架，星期日嚟講呢度算少人，又冇工人姐姐，BB走走草地唔怕跌，好開心呀。呢度少人好好HEA。

之後我哋出返荃灣食嘢，見到有夏麵館，食了兩個下午茶餐，一個麵一個飯都幾抵食呢，有機會可以再去食。