星期二成廿度，湊了BB豬之後就跑跑，又係樓下，個APP今次完全計唔到時間，成日話我PAUSED，我熄咗佢，跑夠半小時算了，今次跑32分鐘都好有氣，可惜跑樓下好悶，跑長廊又太夜，太遠了，如果跑到咁悶真係好冇癮，好難有所提升，雖然一個人跑係悶，不過跑長廊都有啲嘢望吓啦。
除了跑仲會每日行行行，LUNCH行行行，行去金鐘，行去IFC，見到個摩天輪油了紅色，遲啲要同以朗去坐吓。
仲有跳舞，星期三晚跳舞，希望一星期四至五天運動。
星期四好同事由韓國回來，買了手信俾我，係熊大杯墊同埋膠碗，膠碗係以朗的手信。
星期四見唔到以朗內疚，所以買了玩具俾BB，行去中環間玩具反斗城，好遠呀，行到我，當運動，好多唔同玩具，可以得閒買吓，我要兩星期買份俾BB先。
多士爐，扭個掣會令多士升起。
可惜BB唔想玩，只係玩兩塊麵包，一拆兩塊麵包出嚟就好開心。當係真食物咁，同佢講UM UM，仍真係又UM UM，知係食嘢，又餵恐龍食，對食最有興趣，貫徹始終是一個小吃貨。
沒有留言:
張貼留言