█▇▆▅▄▃▂Cafe Corridor▂▃▄▅▆▇█

一月十一日　（星期日）
朋友有迪士尼包場戲票，可以睇３ｄ超級零零狗，好好睇，而且有兩個朋友仔今個月生日，順便食餐飯仔，睇十二點場，好似冇試過咁早睇戲，套戲好好睇呀，3D動畫好正，

睇完食個tea先，好少喺CWB食飯，朋友喺Times Square 附近番工，佢比較熟，介紹咗Cafe Corridor，因為咖啡好飲，星期日嘅兩點幾，好少人，坐得好舒服，呢間啲咖啡同意粉好出名，

我又係Hot Latte，朋友叫朱古力／咖啡，總之每杯飲品都拉個花出嚟，好靚，不過如果落咗糖攪就唔靚架啦～咖啡夠熱，比好多Cafe好飲得多，

仲叫咗意粉，好好食，推介，正！

又有all day breakfast，腸仔唔會有咩驚喜，不過蛋煎得幾滑，唔錯！

另外試咗Mango Cheese cake同埋 Oreo Cheese Cake，我就覺得麻麻，因為Mango Cheese Cake 啲芒果味幾假，而我本身唔鍾意食Oreo，所以又係麻麻！

之後睇番Openrice.com，原來呢間嘢都幾出名，不過咁，我覺得啲嘢食未去到咁好食，有待改善，但咖啡就真係唔錯，而且拉花令人飲得好開心！

再加上當日服務幾好，阿靚仔（老闆？）見我哋影相就主動幫我哋影合照，坐得耐又唔趕人，加分！不過蛋糕方面真係要改善啦～

地址： 銅鑼灣羅素街26A