╭。☼台南之旅 (4) - 海角七號景點☼。╮

去海角七號友子嫲嫲的家，

 

 阿嘉工作的郵局等，

 人山人海呀，堆滿人仲要係台灣人為主，反而冇咩香港人，而我最開心莫過於係去阿嘉的家及，因為都期待咗好耐～覺得好得意，好日式和風的感覺，不過其實好細好細，而且好多人參觀架！可能因為熱潮正盛啦～

 之後去關山睇日落，又係好多人，而且只有海冇咩襯托，部機又影到個太陽化開哂,麻麻地啦！算啦，亂影，最慘係五點幾日落，四點半就車咗我哋去死等，等到吖，

 

個司機可能唔想再去太多地方，所以車到去只係四點半．．唉！我哋包車九小時，所以大約朝早九點至晚上六點，最尾返去時，已經六點多啲，佢一塞車就忟，最後仲喺爭一兩個街口就放低我哋，爭一個街口都唔行入，衰！

 我哋個晚餐都有吻丫魚湯，係泰國嘢，其實香港已經好多嘢好好食，泰國嘢就真係唔想喺台灣試，不過算啦，行勻條街都好似冇咩好食，或者話冇咩啱食，有滑蝦炒蛋好好味，仲有一開始飲杯嘢好好飲，但聽唔真呢杯係乜，其他就普通，NT660冇加一都可以接受～起碼都有飯有湯有幾餸，唔似下晝嗰餐得三碟唔熱嘅爛鬼海鮮揾笨餐，連餐飲都冇杯，離譜～