十二月三十一日 (星期三)
在寫台灣遊記之前，先先寫埋2008年最後一天即是十二月三十一日的日記，當日午飯約了卜友大洗慳妹，佢之前返香港都有同佢食飯，佢係我早期認識的卜友，當時啱啱去完北歐，而慳妹又住喺瑞典，對佢個卜提嘅瑞典嘢好有興趣，由於我要番工，所以佢就我去中環，佢食慣西餐，所以佢當然唔揀西餐啦！結果揀咗吉壽日本菜，其實慳妹係百分百香港人，而且又成日番香港，番到香港又四圍去，我懷疑佢仲熟路過我，中環對佢完全冇難度啦！
大家都lunch set，有沙律有湯，
不過有啲冇影到，主力影個main
course，幾厚切架，
我係魚生飯，好飽飽，話哂新年聖誕都有禮物，變成交換禮物，我記得上年新年太忙於讀書，冇時間買禮物俾慳妹，好失禮呢，今次有買到，點知有份小禮物仲貼住個價錢牌，終於都係“火羅”咗～佢好有心呀，知我喜歡果茶就買俾我，好開心呢，多謝哂～大家雞啄唔斷，好快又夠鐘番工，佢仲送我返工呢．．． 洗慳妹，下次見！
放四點，不過又係成五點先走，夜晚應該執行李，不過去咗睇葉問噃，因為好多人話好睇，事實又係呀！起碼好過地球停轉日，如果唔係為咗睇Keanu，真係把鬼，
睇完十點幾先執行李，仲玩Pet Society 呢～
沒有留言:
張貼留言