最後一站係夢時代百貨公司，原本想去燈塔，不過天色太灰暗，影相都唔多靚，所以不如去室內行吓街，第一站係去咗誠品書店間Café
食lunch / tea，我之前嗰餐食埋芝士蛋糕，都好飽吓，所以都係飲嘢算，
呢杯係綠茶奶霜，呢杯係令我腸胃炎嘅嫌疑犯，因為杯綠茶同奶霜係凍架～當然間Café其實好乾淨，我估係因為啲奶攪起之前啲唔乾淨嘢先唔妥，朋友仲食三文治呢都，賣相唔錯，行咗一陣，去誠品睇一陣書就去．．．
其實夢時代有樣出名就係個蝦蟆Mary嘅摩天輪，不過要成NT150坐一次都幾搵笨，一場嚟到都坐吓啦，而且有錢用唔哂，都冇咩所謂啦，唔止蝦蟆Mary，仲有大口仔，布甸狗， XO都幾靚架，有啲似台北嘅美麗華摩天輪，有兩卡係全透明，好多人排隊囉，我坐番公仔好過～，之後開始肚痛同胃痛，
原本想搵＜我的美麗日記＞面膜，但搵咗好耐都冇呀，算啦，行超市好過，嘩啲食物好抵，鳳梨酥超市賣NT280一盒，舊振南賣NT420一盒，所以要買手信嘅朋友要留意啦～之後不斷胃痛，連飛機餐都無食就落機啦～咁就完咗個台南之旅啦～
沒有留言:
張貼留言